[ALIGN=CENTER][TABLE1="width:95%;background-color:black;"][CELL="filter:;"][ALIGN=center] كتير من الامهات بتسأل أيه فرق السن المناسب بين الأطفال وبعضها؟؟وامتى الام تفكر في حمل جديد؟ الاجابه طبعآ متفاوته من ام لاخري لان ده بيعتمد على الام نفسها وقوه تحملها النفسيه والجسديه وقدرتها على التعامل مع ابناءها يعني هتلاقي امهات مبسوطه بالفرق الصغير وامهات العكس بتندب حظها وتقول انا اللي جبت دا كله لنفسي ياريت الفرق كان كبير شويه ***نيجي بقى نشوف مزايا وعيوب فارق السن بين الأبناء سواء كان كبير أو صغير**** ***(((الفروق الصغيرة في الأعمار)))*** -الفروق في العمر سنة أو سنتين بين الأبناء بتخلي الام مرهقة جسديا لكن تشعر معظم الأمهات ذات الفروق الصغيرة في أعمار أبنائهن أن الأطفال يكبرون مرتبطين ببعض احسن من الأطفال ذو الفروق الكبيرة في العمر. -الفروق الصغيرة في العمر تعني أن الأطفال هيكون لهم نفس الأصدقاء والأنشطة الثقافية والإجتماعية وتقريبآ نفس الاهتمامات، مما يجعله أسهل على الأهل أن يسعدوا كل الأطفال في نفس الوقت. الاطفال اللي اعمارهم متقاربه هيكون لهم نفس مراحل التطور العقلي والجسدي، مما يمكن الأهل من التركيز على متطلبات المرحلة مثل مواعيد المدارس، الملابس، الأنشطة والإهتمامات............الخ. من الاخر كده الام هتحس انها وعيالها زي فريق بيعملوا كل حاجه مع بعض بيصحوا سوا للمدرسه وبيروحوا سوا النادي وممكن يساعدوا بعض في المذاكره واهم حاجه انهم بياخدوا هدوم بعض هههه كل ما يصغر على حد مقاسه يديه للاصغر(ناحيه توفيريه) كمان بيلعبوا بنفس الالعاب. كمان لما سن اطفالك بيكون الفرق بينهم صغير بتعدي المراحل الصعبه في حياتهم سوا وبيكون عندك فرصه انك ترتاحي لما بيكبروا في السن سوا . ***(((الفروق الكبيرة في الأعمار)))*** الفرق في السن بين الاطفال لما بيكون صغير ليه مميزات الا ان بعض الامهات بتفضلالفرق يكون كبير مثلا4 او5سنوات عشان تكون هيه ارتاحت جسديآ وتكون مهيأه نفسيآ لاستقبال طفل جديد ويكون كل طفل اخد رعايه كافيه ومناسبه والام نفسها تكون اسمتعت بحياتها معاه ويكون كمان قدر شويه يعتمد على نفسه.... وعندي صديقتي الفرق في سن اولادهم الاول والتانيه 5سنين كانت بتقولي احنا بنخلف العيال عشان نلعب بيهم مش عشان يشيلونا الهم -الفرق الكبير ممكن يكون ميزه وممكن يكون عيب :- ميزه ان اولادك الاكبر في السن ممكن يساعدوكي يعني ممكن يلاعبوا الطفل الصغير ويهتموا بيه(ويعملوه اللعبه بتاعتهم). وعيب في انه ممكن بيعمل فجوه بين الابناء فالكبير قد ينظر للصغير على انه مصدر للدوشه والازعاج. _كمان في فرق السن الكبير لازم تكوني مهيأه نفسيآ للتعامل مع ابناءك مع اختلاف مراحلهم العمريه مثال:-يعني يكون عندك بنت12 سنه وبنت8سنوات وبنت3سنوات كلهم اينعم بنات بس تعاملك مع اللي في سن المراهقه غير تعاملك مع التانيه غير تعاملك مع الطفله الصغيره. اتمنى اكون افدتكم [/ALIGN][/CELL][/TABLE1][/ALIGN]