ياليل.. ياليل المواجع والاحزان
ياليل.. شفني منكسر ليه ياليل ؟!
ياليل.. شفني دايمً معْك سهران
واسامر نجوك وكلًي غرابيل
ياليل.. وش سوًالي فلان وفلان ؟
ماعلًموني غير كثر الاقاويل
ياليل ..علًمني سبب جرح الاوطان
تعطيه حبًك يلحقك ويل في ويل
ياليل.. من هو كان بالناس خوًان
اليوم يحسب من رجالً حلاحيل
ياليل.. شفت البير واصبحت ضميان
امدَ يدي للاسف منكسر حيل
ياليل.. انا خسران لو كنت ربحان
لا كان من يجعل على الربح تضليل
ياليل.. من عذرب له اليوم برهان
من قبْل تقليله ترى فيه تقليل
ياليل.. انا مالك من الناس خلان
ومن حبًهم خوفي بلاقي تهاويل
ياليل.. جرحي داخل الصدر عنوان
اشيل حملً وارقب الناس واشيل
ياليل. خبًر صاحبي كان شفقان
انا على الخوًه وربي فلا ميل
ياليل.. فقري ماشكيته لأنسان
لاني عزيز النفس ماحبً تذليل
ياليل.. لو هو كان بالناس فرسان
انا حصاني بالتميًز مع الخيل
ياليل.. انا صاحبْك جريت الاحزان
وانت تعرفني دايم الوقت ياليل
.
.
.
