[دانة الكون]

الباارت الثالث :



بعَد العشاآء*
طلعو البنات وشبّو نار ورا الخيمه وجلسو والنسوان الكبار نامو*
بعد هرج وضحك ووسعة صدر قامو رغد ومدى ينامون*
وظلّو نجود وربى وندى وريما*
منسدحين كل وحده عَ رجل الثانيه*
وبعد صمت استمر لمده طويله شوي*
ربى : بنات !
البنات : نعم*
ربى جلست : بقول شي بس خايفه*
جلسو البنات : قولي لاتخافي مراح يطلع الكلام*
ربى : من اول بتكلّم بس ماني قادره عشان مدّوش ورغد اما ريما ماعلي منها*
ريما : يب قولي
ربى تناظر بالنار : ما ادري يعني بس في واحد من الشباب احس انو ما ادري بس كذا دايم يناظر فيني ولا جات عيني بعينه يبتسم وقبل فتره صارلي موقف معاه فما ادري يعني نظراته احياناً احسّها تخوّفني واحياناً بالعكس احسها تعكس لي حبّه لي بس مادري ماني متأكده اذا هو يحبني والّا نظراته هاذي تعكس حبه لي كأخت بس يعني ماني عارفه بجد شعور ملخبط*
نجود : يَ قلبي انتي طيب مين هذا ؟
ربى : مقدر اقول*
ريما حطت يدها عَ كتف ربى : قولي ل̲ﭑ تخافي*
ربى حطت عينها بعين ريما وبهمس : سالم*
ريما ابتسمت من قلب وهالإبتسامه ريّحت ربى كثير*
نجود : عَ الأقل ربوش انتي داري لكن انا وعوووه عليه مو داااري مو دااري ولا حاس فيني ولا شي مع نفسه قاهرني ياخي نفسي اروح له واكفّخه واقولّه يااخي اففهم انا اححبك بس مااش اغبى منه ذا الشخص ماقد شفت وعلى فكره اخته معنا هالحين*
ربى رفعت نظرها لنجود اللي تنظر فيها*
ابتسمت ربى : ل̲ﭑ ل̲ﭑ اجل انتي مطوّله*
ريما : من ؟*
نجود : احمدوه الغبي في غيره*
ريما : ههههههههههههههههههه يوووه انّك مشواااار*
نجود : وانتي ريموش من ؟*
ريما : من جدّك انا احب ؟؟
نجود : ما تحبين الا هيمانه فيه بس تكلمي انتي عشان ل̲ﭑ افضحك*
ريما : شوفي انا ما احبه بس شخصيته تعجبني طيب ؟!! يعني مو حب حب اني افقده واغار عليه وعوووه ل̲ﭑ بس تعجبني رزّته وكشخته وجماله يعني وكذا بس اني احبه وععع*
ربى : منهو طيب ؟*
ريما : ترا هو كبييييير بس انا ما احبه تعجبني شخصيته مفهوم ل̲ﭑ تفسّرون اني احبه عشان ل̲ﭑ كف*
ربى : طيّب خلّصينا من ذا ؟؟
ريما : ترا شخصيته بس شخصيّته*
نجود : ريمووش*
ريما : خلاص خلاص .... فهيد*
نظرو بندى اللي مو يمهم ابد ابد حاظنه رجولها وصاده صوب الجهه الثانيه وتلعب بالرمل*
نجود بصوت اشبه للهمس : ندوش*
ندى :...............
نجود : ندوو*
ندى مسحت وجهها بسرعه ولبست نظارتها الشمسيه ولفت بإبتسامه : هلآ*
نجود نزلت النظاره بسرعة البرق*
وانصدمو من عيونها المحمرّه واللي الدموع متجمّعه فيها لفّت صوب الجهه الثانيه وعظّت عَ شفايفها ونزلت دموعها بصمت*
استغربو من هالشيّء
نجود حظنتها وبهمس : ندوشتي يَ كلّي اناا خلاص بلاشي بكي*
ربى بحنيّه : ندو اشبك يَ قلبي ؟*
ندى شدّت عَ نجود اللي حاظنتها*
حست نجود بألم لأنها واضح انها من جدّ تتألم*
سكتو وندى ونجود عَ حالهم*
نامت ندى بحظن نجود من كثر البكي والتعب*
ونامو البنات عندها بعد ماطفّو النار*

الصباح الساعه 8
قامت على همس يريّحها ودوم يسعدها وهي تحبّه حيييل : ندوشتي قومي يَ قلبي*
ندى قامت وبسرعه حظنتها*
نجود فهمتها بس قدام امها : هههههههههه شعندك ؟
ندى نظرت بعمتها اللي واقفه ومتخصّره : غزغز احب بنّتك حييييييل*
ام عبدالرحمن : ل̲ﭑ يَ شيخه بس بنتي ؟؟!!
ندى قامت وحظنتها: البنت واللي جابوهاا كمانن*
ام عبدالرحمن : جب حسّك عينك تقرّبين من فؤادي*
ندى صفّرت : عموو فؤااد تعال شوف غزغز وش تقول عنك*
ام عبدالرحمن : جب والله مايصّدق عَ الله يجي هالحين عاد ياحبه للإحراج دايم يحرجني*
نجود وندى : ههههههههههههههههههههههههه
عبدالرحمن من ورا الخيمه : اححم*
ندى تلثمت ولبست النظاره*
ام عبدالرحمن : تعال يمّه*
جا عبدالرحمن : شعندكم اصواتكم واصله لي عندنا ؟!!
ام عبدالرحمن : اختك وبنت خالتك مجننيني من هالصبح*
عبدالرحمن ابتسم : خير ؟
نجود : مو انا ( وتأشر عَ ندى اللي تطقطق بالجوال )*
عبدالرحمن : نديش وش عندك مجننه امي من الصبح ؟؟
ندى : ها هههههههه ل̲ﭑ ل̲ﭑ جالسين نمزح*
راحت ام عبدالرحمن*
عبدالرحمن : الا صحّ كيفك هالحين ؟ اول سألت عنّك قالولي تعبانه*
ندى خنقتها العبره : ها ايه بخير الحمدلله احسن*
عبدالرحمن رفع حاجبه : علامك ؟؟ تحسين بشيء ؟ اوديك المستشفى !؟
ندى : ل̲ﭑ ل̲ﭑ الحمدلله مافيني شي كان تعب نفسي والحين احسن*
عبدالرحمن : سلامتك بس اذا حسيتي بشي يألمك اتصلي علي من جوال نجود*
ندى : ان شاء الله ، ( وبلعت ريقها ) الا صح شخبار ذيك ؟؟
نجود رفعت حاجبها*
عبدالرحمن : والله مدري خليها عَ ربّك بس ماني متطمّن عَ حالتها هالفتره مريضه حيل بس تكابر*
ندى : اها سلامتها*
عبدالرحمن : الله يسلّمك ، يلا توصون شي ؟
ندى ونجود : سلامتك*
وراح*
نجود : من ذيك !؟
ندى : وحده اخوك يحبّها بس ل̲ﭑ تقولين هو ماقال لأحد غيري ولا تناقشينه بأي شي*
نجود : اوك*

بعد الفطور*
ربى بهمس لندى : طيب كيف ؟
ندى : ما ادري بس بنكشخ كلّنا عشان ماتحس بشي وبنروح هناااك عند الشجره ذيك وهي عاد بنشوف بنستغل اي فرصه*
ام فهد : ندى ندى يَ بنت وينك ؟؟
ندى : هلا ميماا امري*
ام فهد : روحي ودي ذا الصينيه لخوالك*
ندى نظرت بربى اللي بسرعه اتصلت على نجود : ان شاء الله*
نجود : هاه*
ندى : نجودتي قلبي انا تعبانه ودي هالصينيه لخوالي*
نجود : ربوش وديها*
ربى : انا بطني تعورني مقدر اتحرك*
نجود : وش دخل بطنك برجلك ؟
ربى : من الألم ماني قادره اتحرك باي باي
وراحت لفراشها وانسدحت*
نجود : افففف*
واخذت الصينيه وطلعت*
اخذت ربى جوالها ودقت*

عند نجود قبل ل̲ﭑ تدخل طلع وهي تصنّمت مكانها " يَ ربيييه مالقى يطلع غير الحين ، يَ ححري جا جا "
....: نجود !؟
نجود : هلا احمد كيفك ؟
احمد ابتسم : بخير الحمدلله انتي كيفك ؟؟
نجود معصبه : بعدين اسأل عن حالي الحين خذ هالصينيه*
احمد : هههههههه طيب طيب لاتعصبين*
واخذ الصينيه : والحين كيفك ؟
نجود : ماني بخير ارتحت ؟!!
ودخل الصينيه وطلع بسرعه ولحقها : افااا نجوود من مزعلك ؟!!
نجود لفّت صوبه : واحد غبي غبي جداً*
احمد : عبدالرحمن !! طييب انا اوريه*
نجود وعيونها مدمعه : لاا مو عبدالرحمن اسفه لأني عصبت عليك*
وجات بتدخل : بس يَ ليت تقولين لي من اللي مزعلك ؟؟
نجود : واحد الله يسعده*
احمد : يخسيّ يزعلّك وتدعين له بالسعاده*
نجود : لااا محشوووم هو مافيه منّه لجل كذا ادعي له ربي يسعده*
ودخلت*
احمد " هالبنت غريييبه غرييبه حييل "*

دخلت نجود وجلست جنب ندى وشافت امها تناظر فيها وابتسمت لها*
ندى بهمس : وشبك ؟*
نجود : بعدين*
ندى : شفتيه ؟
نجود : خلاص بعدين*
ام علي : وش عندكن تساسرن ؟؟
ام محمد : يخططن لجريمه اكيد*
الكل : ههههههههههههههههههههههههههههههه

بعد الغداء*
بخيمة الرجال*
محمد بهمس لأبوه : يبه طلبببتك طلببتك*
ابو محمد : خلاص يَ ولد روح عنيّ خلّني افكر وش اقول اففف*
ابوعلي : خير يبه فيصل فيك شي ؟
ابومحمّد نظر بأخوه ابوسالم : والله ياخوي طالبك طلب ومابتردّني ان شاء الله*
ابوسالم : خير ان شاء الله*
ابومحمّد : كل خير ياخوي كل خير ، بما ان اليوم الكل مجتمعين انا طالب يد بنتك رغد لولدي محمّد*
ابوسالم بيطيير من الفرحه لأنه يحبّ محمد حيل : وانا اقدر أحصلّ مثل محمد لرغد*
محمد اللي مو مصدق راح لعمّه وباس راسه : الله يخليك لي*
ابوسالم : بس لازم اخذ برأي البنت بالأول*
محمد : اكيد اكيد من حقّهااا ، سويلم قم يَ مال الليّ روح قلّ لأختك*
سالم رمى عليه مفتاح السياره : جبّ اولاً انا اكبر منك ثانياً انت بتصير زوج اختي يعني من هالحين الييين الزواج احترمني عشان ل̲ﭑ اقولّها ماضيك الأسود وترفضك*
محمد : قم بس قم اشببكك خوّفتني ؟!!
سالم بنظرة تحديّ : تتحدى اذا ماخلّيتها ترفضك !!
محمد : انا اعرف رغيد ماتسويّها !
سالم : على كم ؟؟
محمد : 50 ألف*
سالم : قدااام*

عند البنات*
مسجمين بالهرج تحت الشجره*
ريما : سمعت جدّو يقول اليوم بالليل بنشوي بس مو مثل صرفدة قبل خلاص احنا لنا شوايه والشباب لهم شوايه*
ندى تذكرت كلام عبدالرحمن وقت ما شووا وطاحت دمعتها وبسرعه مسحتها وعدلت النظاره*
نجود اللي طول الوقت عينها عَ ندى شافتها " ااااااه شسوي لك ل̲ﭑ انتي راضيه تتكلمين ولا انتي قادره تخفين هالألم " رفعت يدها للسمااء وشافتها ندى : يَ علّه مايشوف السعاده بيوم*
ندى فهمتها وعصّبت : نجوووود*
مدى : مين ؟ خير ؟*
ريما وربى ناظرو بعض*
رغد : وش السالفه ؟
نزل عبدالرحمن من سيارته اللي قريبه من جلسة البنات*
ومن بعيد : سلام*
البنات : وعليكم السلام*
رغد : شلونك هالحين يَ عبدالرحمن ؟
عبدالرحمن يناظر يده : بخير الحمدلله بس فجأه حسيت الألم زاد بس ماعليه انتم كيفكم ؟
مدى : احنا بخير الحمدلله*
عبدالرحمن مشى ثم رجع : نديش ماعليك امر ابيك شوي*
ندى فزّت : خير ؟؟
عبدالرحمن : كل خير*
ندى راحت : وش صاير ؟*
عبدالرحمن ساكت*
ندى : وشبك ؟
عبدالرحمن : ل̲ﭑ ل̲ﭑ ولاشي بس بغيت اسأل كيفك هالحين وكذا*
ندى مستغربه : ل̲ﭑ الحمدلله احسن*
عبدالرحمن : تغديتو ؟
ندى : نجود تغديتو ؟
نجود : يب يب*
ندى : يب تغدّو*
عبدالرحمن : انا اقصدك انتي*
ندى : ل̲ﭑ مالي نفس وكذا*
عبدالرحمن : شلون مالك نفس اقول ظفيّ ظفيّ داخل وكلي لك شي ل̲ﭑ أذبحك*
ندى وهي تمشي صوب الخيمه : يااربييه نفس الموال نفس الموال كلكم اففففف مالي نفسسس*

قبل لايدخل لخيمة الرجال*
طلعو محمد وسالم
سالم : انت وينك مختفي من الصبح ؟
عبدالرحمن : رحت للمستشفى*
محمد : خير ؟!!*
عبدالرحمن : كل خير كل خير بس يدي مجروحه*
سالم : إنيّ لاحظتك لّاف عليها امس*
عبدالرحمن : يب جرحت نفسي بالغلط المهم وش اخر الأخبار ؟
سالم ضرب محمد عَ كتفه : بارك للمخيس ذا بيصير نسيبي*
عبدالرحمن : أمّااا مبروووووووككك
محمد : الله يبارك فيك بس هالدب متحديني عَ 50 ألف انه يخلّي رغيد ترفضني*
عبدالرحمن بيخوفه : يووه عاد رغد ماتشوف مثل سالم لو يطلب عيونها تعطيه حتى لو كان الشي في عذاب لها*
محمد بان عليه الخوف : يَ رجل قول انّك تمزح*
عبدالرحمن : دايم امزح بس هالمرّه صدق*
محمد راح وتركهم وهو تفكيره مشوّش*
سالم : ههههههههههههههه ياحرام والله رحمته*
عبدالرحمن : هههههههههههههههههههههههههه
سالم : الّا ماقلت لي وش صار ؟؟
عبدالرحمن : تويّ عصبت عليها ودخلت للخيمه معصّبه*
سالم : لييش ؟؟
عبدالرحمن : غبييه غبييه وعليها عنااد بس مدري وش قالبها من بعد ذاك اليوم يوم شوينا وهي حالتها زفت*
سالم : تهقى تضايقت من كلامك عن البنت اللي تبيها ؟؟
عبدالرحمن : ل̲ﭑ ل̲ﭑ ذي اعرفها ماتحسّ ماتحسّ*
سالم : مدري والله بس تدري وش بسوي ؟
عبدالرحمن : وش ؟
سالم اللي يناظر بالبنات : بروح اجلس معهم*
عبدالرحمن : خبل انت !!! لو طلع علّاوي وشافك والّا فصييل يمين مايرحمونك
سالم : معلي فيهم*
وتركه وراح*