في بيت ابو عبدالرحمن*
منسدح عَ سريره ويقرأ روايته المفضله وهو يقرأ مو مستوعب وش اللي يقراه لأن بالأساس باله وتفكيره وعقله مو معه*
سمع صوت امه وابوه وقفلّ الكتاب ونام*
دخلت وشافته نايم*
غطته بلحافه : نوم الهنا يَ رب*
وقفلت الباب الأنوار وراحت*
ابوعبدالرحمن : وين عبدالرحمن ؟
غزل : بغرفته نايم واضح تحت عيونه السوااد شكل فيه شي شاغل باله*
ابوعبدالرحمن : ولدك ذا ينشغل باله والله ماظنتي رجال وش كبره ويدرس طب وطول وقته لعب في لعب ماعمره فكر جد*
غزل : فؤاد الولد كبر ويعرف مصلحة نفسه ويعرف يتصرف*
ابوعبدالرحمن : والله ماظنتي انه كبر بعقله يمكن بجسمه بس عقله لسى بزر
غزل : بسّ خلاص نام احسن لك*
ابوعبدالرحمن : ماني نايم تعالي بهرّجك شوي*
غزل فهمته : ها ل̲ﭑ ل̲ﭑ نام انا وراي اشغاال كثيره يَ زهره زهره*
وطلعت من الغرفه بسرعة البرق*
ابوعبدالرحمن ضحك عَ شكلها*
نامت نجود في بيت ضاري عند ندى بغرفتها*
عَ المغرب*
دق جوالها : ها يلا يلا نازله*
ندى : يحوول ماشبعت منك*
نجود : خير اكلّ ؟ وبعدين من الصبح وانا عندك اساساً لو تدري غزغز اني نايمه بتذبحني*
ندى : ههههههههههه يَ زينها غزغز ذي*
دق جوالها : يَ كتتلي يلا يلا بنزل*
ندى : تعالي اشوف لك الطريق*
ونزلو*
عند الباب : ومتى بتجين ؟*
ندى : بعد شوي كذا*
نجود : طيب اسمعي بكره بننزل للسوق انا وريموش ورغد تنزلين معنا ؟*
ندى : مدري اشوف بس شسمه ذا ومدوّ وربى ؟*
نجود : بيروحون لأهل خاله جولي*
ندى : خلاص اجل اكلّم ابوي وارد لك*
نجود : اوك يلّا باي*
ندى باستها : باي*
ركبت السياره وناظر الجهه الثانيه بسرعه*
نجود : سلام*
عبدالرحمن ناظرها : كل ذا تودعين بنت خالتك ؟
نجود : وه يَ حبي لها انشهد انها معذّبتني هالبنت*
عبدالرحمن بنفسه " مايجي ربع عذابي والله "*
نجود : ايه صح بكره ابيك تودينا المول*
عبدالرحمن : ل̲ﭑ يَ شييخه سواق عندك والسواق اللي ابوي جايبه وبعدين ورا ماتتزوجين وتفكيني تخلين زوجك يوديك ناقصك انا كل شوي ودي جيب حط سوي*
نجود : اعووذ بالله مابي شي منك خلاص نخلّي فهد يودينا*
عبدالرحمن : ووش دخلّ فهد فيك انت ورغيد وريما ؟
نجود : نديش يمكن تروح معنا*
عبدالرحمن سكت شوي : خلاص انا اوديكم خلّي فهيد مكروف بالشركه*
نجود شكّت بشي : ل̲ﭑ ل̲ﭑ فهد مغير جالس بالبيت يودينا وش وراه ؟
عبدالرحمن : ل̲ﭑ باللهي واذا بالبيت مايكون مشغول مايكون مكروف بأوراق الشركه لسّى تويّ مكلّمه يقول جالس يوقّع اوراق وبكره عنده اجتماع مهم*
نجود : طيب خلاص*
عبدالرحمن بتفكير " يحووول بس ذي اختي ل̲ﭑ ل̲ﭑ بقولّها بس مو كل شي بحاول ألمّح لها عشان تساعدني " : اممم شسمه نجودتي*
نجود وهي تكتب بالجوال : نعم*
عبدالرحمن : في موضوع خاص بكلمك فيه*
نجود : ..........*
مسك الجوال وحطه بجيبه : جالس اكلمك بموضوع مهم يَ دب*
نجود : اخلص اشوف*
عبدالرحمن : شسمه ذا بقولك بدون لف ودوران انا احب وحده وهي ماغصتني وقاهرتني*
نجود : هههههههه ليش ؟
عبدالرحمن : مدري كذا حاولت ألمّح لها اكثر من مرّه بس هي دب دب غبيّه مو راضيه تفهمني*
نجود : طب منهي ؟
عبدالرحمن : ل̲ﭑ تناقشيني باسمها لأني مراح اقولّك بس بقولّك السالفه وشسمه ذا ياخي قاهرتني قااهرتني واحنا قبل كنّا نكرره بعض بس من جد مابعد العداوه الّا محبه بس ياخي والله انها تقهر يعني من جد شي ينرفز ودي كذا احشرها واصفّق فيها عشان تفهم*
نجود : بس غسلت يدي منك احلّم انها تحبك*
عبدالرحمن : لييش ؟!!
نجود : خير خييير احشرها واصفّق فيها ؟!! ياخي خلّك رومانسي فاجئها بخطبه والّا هديه ( وبتلميح ) واذا كان ميلادها قريب جيب لها هديه*
عبدالرحمن بغبااء : هي مولوده بشهر اثنين بس اي يوم مدري*
نجود ضحكت ضحكة انتصار : ههههههههااااا حششرتك عرفت منهي*
عبدالرحمن توهّق : منهي طيب ؟
نجود : ندووش*
عبدالرحمن : ل̲ﭑ بلا تفقيش*
نجود فهمته : هههههه تلعب علي مدوشّ وربى مولودين بشهر اربعه ورغد بشهر خمسه وريما بشهر سته ومحد مولود بشهر اثنين الا ندووش هههه صح والّا ل̲ﭑ ؟؟ ندوش مو ؟ صح ؟! صح ؟!
عبدالرحمن صد للجهه الثانيه : ل̲ﭑ مو صح*
نجود : الا صح وابصم لك بالعشره كمان ، طب لحظه احلف انها مو ندوش*
عبدالرحمن : مو ندوش وبس*
نجود : طب احلف
عبدالرحمن : ماني حالف ومو ندوش*
نجود : والله ندوش وربّي وربّي انا كاشفتك من قبل مسويّ يعنني بتسكت انت دحيّم واعرفك من عيونك*
عبدالرحمن : طبّ جبّ*
نجود : طب هي ندوش ؟!
عبدالرحمن : اففففف ايه هي خلاص جبّ*
نجود ابتسمت : يَ بعد تسبدي انت واياها ، شسمه ذا ترا يوم ميلادها سته اثنين*
عبدالرحمن : يعني بيوم سته بداية الشهر ؟!!
نجود : يب يب