هلا بك خيتي نورتي الخفجي
اولا / المكياج عندك وحده سودانيه اسمها سوسن وبنتها اسمها آلاء روعه شغلهم تسويلك مكياج نفس اللي تطلبينه واذا اعجبك صورة مكياج بمجله او بالجوال وريها وتسويلك مثله بالضبط ماعندهم صالون بس دوري رقمها بالنت اكيد بتلقينه ..
وعندك صالون الكادي للامانه ماعمري سويت عندهم لكن شفت مكياجهم على بنات حلو ..
ثانياً / التصوير ماعمري جربت استديوهات بالخفجي بس فيه وحده بالكويت يجنن تصويرها تسويلك مثل الممثلات روعه اذا طلبتيها تجيك للخفجي واذا تبين رقمها قوليلي ..
ثالثاً / محلات الكيك عندك حلويات سعد الدين وحلويات الموركي حلوين كثير وفيه محل فاتح جديد اسمه السنابل الذهبيه ماجربته بس شكله حلو وفيه بسوق الذهب محل اسمه شوكولاته حلو ..
اما عن الهدايا وتغليفها عندك الفواحه واحد بسوق الذهب وواحد بالشماليه هو نفس المحل بس الاشياء اللي فيه مختلفه وفيه عندك محل حركات جنب الجناح الاخضر ..
وبسسسسس هذا اللي اعرفه :d