[مشبب البشري]

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

بسم الله الرحمن والمبداء على نهج عظيم ..= نهج ٍ على ماقاله الرحمن في حكم الكتاب
حسب الشريعه والسنن والحق والقول الكريم ..= على طريق المصطفى والدين نوره ما يغاب
لجل الوطن جبت القلم والبوك والفكر الحكيم..= ياله تقديني على نهج الحقيقه والصواب
اليوم يوم ٍ يفتخر به من معه عقل سليم ..=على سنام المجد عنوانه ومن فوق السحاب
يالله طلبتك ياكريم ويا ودود ويا رحيم ..= طيب ثراء من وحد الشعب السعودي ... واستجاب
لدعوة الله في سبيل الله بخط ٍ مستقيم ..= العاهل اللي وحد الدوله بسيفه والركاب
عبد العزيز الفارس المغوار والشهم الحليم.. = فيه الشجاعه والكرم والخصم من فعله يهاب
طفى حروب ٍ تاكل الاخضر وتسعر بالهشيم ..= واخمد مقابيس الفتن واغلق عليها باب باب
يالله عسى مساكنه الفردوس جنات النعيم ..= والله يجازي من يقول امين في حسن الثواب
خلف رجال ٍ ما اخلفوا سيرته يدركها الفهيم ..= دستورهم شرع الله وسنة نبيه باحتساب
والامن من فضل الولي عم المواطن والمقيم ..= وكلا ٍ تهنا في منامه واستلذ اكل وشراب
في ضل ابو متعب كريم الكف وكعام الغريم..=الله يعز الدين به .. واللي معه شيب وشباب
واخوانه اللي بالمواقف للعدى رمح ٍ يظيم ..= اهل السيوف اللي يمانيهم تجود بالنصاب
قلته وانا حب الوطن بالقلب همال ٍ مديم ..= تنبض شراييني بحبه في سماه وفي التراب
الله يديم النا لامن ...والله على النعمه يديم ..= ياكم حسود ٍ وده انه بين ضرس وين نا ب
اللي يخيل البرق يدريي انا بخيرات ونعيم ..= وراعي القناعه ما حداه الشك في طرد السراب
واختامها صلوا على المختار ماهب النسيم..=واعداد من زار الحرم واطاف واستغفر وتاب
[/poem]