[حمد الدليهي]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
زان الكلام وذعذع النسناس نفحاته عطر=تبسمت نفس الحزين وطاب من نفح النسيم
البرق لاح وفوق جرد البيض ماوقّف مطر=من وين ماناظرت في عرض السماء تلقاه غيم
غيثه على مْد الخليج وفيضته دوحة قطر=دولة سديد الراي قاد وساد ولّشعبه كريم
شيخٍ تسلسل من سلالة شيخ في راسه سطر=شيخٍ وخلّف شيخ بافعاله حمد عقبه تميم
تزهابه اجزال القصايد تبني شطر شطر=المدح مايوفيه حقه يوم عطفه مستديم
فيه الثناء ماينحصى لو ينّكتب سطر سطر=حاتم زمنّا يوم حاتم ذاك بالوقت القديم
شيخٍ سما عهده سما لعيون حساده فطر=عهده رخا مده صخا ولا ارتخا حازم حليم
كمل مسيرة نهضه وُتطوير والعايش بْطر=خيره هنا فيه المواطن واهتنا فيه المقيم
يوم اكتسح بعض الدول ثورات والحاله خطر=الشعب في دولة قطر مْتماسك وُضّعه سليم[/poem]