[ناصر العنزي]

عادي واذا يعني حبيبي هجرني
ماهمني لا هو ولا اللي يقولون

كم واحد قبله وفيت وغدرني
ماقامت الدنيا ولا صرت مجنون

وان كان قصدك بالخساره خسرني
وان كان قصدك بالعطايا يولون


محد(ن) على ذيك العطايا جبرني
وشرواي لامنهم عطو ما يمنون

شي خذيته من ابوي وشهرني
الطيب اللي حي لا كان مدفون

وبالشده اذكر بالرخا مـن ذكرنـي
واجيه انا من اقصاي لا صار مغبون

واتعب على منهو جرحته وعذرنـي
وامسك عليه الى اخطا كلمة اتمون

واسهر عشان اللي تعبت وسهرنـي
وكانه سهرني بعين ابسهر له عيون

واشكر كرم منهو عطيته وشكرنـي
والله يسامح من خذا وقال مديـون
رح للذي تـو ماعرفنـي وخبرنـي

وقله ترا ناصر كلمنـي هاللـون
كل الجفا اللـي منهـم ماعسرنـي

صاروا معي والا علـي مايهمـون
لي الشرف غير الزمن ما كسرنـي

اطيح واضحك له وانا كلي اطعـون
حتى لـو طيبـي لعبـي ودمرنـي

اموت لي منه ولا امـوت ممنـون
وصحيح انا طيب وعقلـي كبرنـي
لكن اذا ضاقت علي صرت مجنـون