قالو حبيبك يسمع الشعر قلـت ايـه
يقـراه بعيونـي قبـل تسمعـونـه
لولاه حتـى طـاري الشعـر مابيـه
مير أكتبه من شان خاطـر عيونـه
هو روح شعري ومنياته وماضيـه
جذع الشجر وش كان لولا غصونـه
اكتب لغيره والقصايـد تجـي فيـه
كـن القصايـد حالفـه ماتخـونـه
هذاك لاامنـه زعـل قمـت اهاديـه
حتى وهو مخطـي تعـذرت دونـه
يمكن لوانه يلمـس الجـرح بيديـه
يستغرب ان اللـي لمسهـا طعونـه
ابطى وهو غايب وزلـت حراويـه
وانا مـن العـام اتحـرى مزونـه
هو مادرى اني في غيابـه محاتيـه
ليته نشد عن حالـى اللـي يجونـه
واقلبي اللي تـوه افلـت عراويـه
كيف انسرق .. وظلوع قلبي حصونه
عجـزت ارده كـن مانـي براعيـه
يوم انتثر شوقه وهاضـة شجونـه
يبسن عروقـه لكـن اللـي يعزيـه
أن اكثـر العالـم تـردد لحـونـه
خافو مـن الله لا تجيبـون طاريـه
لاصـرت انـا موجـود لاتذكرونـه
لـو كـل غالـي جابـه الله لغاليـه
ماشفت لك مخلـوق تبكـي عيونـه
للشـــاعر/متعب التركي
ولكم خااااااااالص التحيه..........