بسم الله الرحمن الرحيم
السلام عليكم ورحمت الله وبركاته
يسعد لي اوقاتكم
المطلوب هو ان كل واحد يدخل يضع بيت من الشعر او عدة ابيات على ذوقه
وانا راح ابداء
صاحبـي بسألـك بالله قلـي وش جنيـت
يوم جازيت الوفـاء بالخيانـه والطعـون
أنت تدري بالخيانـه ولاعمـري سعيـت
كيـف قلبـك طاوعـك بالخيانـه يافتـون
بعت انا لرضى عيونك حبايـب وشتريـت
عينك اللي وقتها كنـت تسوالـك عيـون
كنت انام بداخل احشاك لا منـك طريـت
ولانسيت اطريك بحشاي واصحابك جنون
كنت اعدك في عيوني قصيدة بيـت بيـت
هي مجلد هي دواوين هـي عـدة متـون
لازعل غيرك من الناس وأنت اللي رضيت
وش علي امن المـلا والعـواذل يقعـدون
كم شكيت لنجمة الصبح منك كـم شكيـت
صدق من قال الغـدر بالمحبـه مايهـون
وش عطيت امن المحبه وقلي وش عطيت
أنت يومني اصونـك علامـك ماتصـون
الصراحه عند مثلـك بقـول أو ماكفيـت
مثل ماقالوا هل العرف من خانـك يخـون
خابرينك والسوالف تـرى كيـتِ وكيـت
اثر قلبـك فنـدقِ كـل يـومِ لـه زبـون
يوم جازيت المواصل بصدك وش خذيـت
غير نون وكافِ وراء وبعد الألـف نـون
جاهـلِ مالـك ندامـه لقربـك ماعنيـت
والسلامه بالمخاطـب جـواب الجاهلـون
القلوب اتغيـرت ان دريـت او مادريـت
والمحبه عنـد شـرواك لايمكـن تكـون
ولا انا وجدي على اللـي أليامنـي لفيـت
واحدِبالحب مخلـص وقلبـه لـي حنـون
كاملِ والكامـل الله ويرسـي لا رسيـت
بالوصايف كامل وبالمحبـه لـي يصـون
احمدالله مخلـصِ ماجحـدت ولا نسيـت
لكـن الأنـذال للطيـب دابـم يجحـدون
الشاعر سعود بن هديان الهاجري
مع خالص ودي لكم