[نفاع العنزي]

عاش صدام شريفا .. ومات بطلاً شهيداً
فلا نامت أعين الجبنة والعملاء

[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
قالت تحرك .. ربع ساعة يقيمون = قم اطلب الرحمن رب البرية
قم العن الشيطان وابليس ملعون = وش فيك ؟ آهاتك بقلبك قوية
عادي .. ترى عشرات مثله يموتون = الحق صلاتك واترك الطايفية
قلت اسكتي في ذمتي ضاق هالكون = وأحس هالجدران ضاقت عليه
أحس في روحي سكاكين وطعون = كني صغير فاقد حضن أبيه
عندي أحاسيس وهواجيس وشجون = وعندي من الحسرات روحة وجية
وشلون أعبر لك عن الحزن وشلون = بهمي نسيت الأحرف الأبجدية
عاقل ؟ وأشيل بداخلي عقل مجنون = يمكن غبي وإلا الأوادم غبية ؟
أشوفهم يمشون بالحبل يمشون = أشوف بايديهم حبال المنية
مقنعين أشوفهم ويتناخون = لحظات رعب صدورهم سرمدية
يا لعن أبوهم من عيونه يخافون = من عذرهم هذاك ما فيه زيه
هذاك صدام الفخر مامشى الهون = يمشي لحبل المشنقة بأريحية
راضي بحكم الرب شاكر وممنون = حتى بموته كان رمز الحمية
ترك غبار الذل للي ينامون = وترك لحكام العرب هالوصية
(عندي لكم فتوى عن العار والهون = تقبلوها في وداعي هدية
فتوى .. وتراها بذمتي لا تضحون = لأنكم أصلا مجرد ضحية )[/poem]