(الفرح محدود)
كان الفرح في دنيتي موجود
فجر المحبه في سماها يلوحي
وقلب بنيضاته مايعرف ركود
ينبع احساسه من فيض روحي
لكن عزاي ان الفرح محدود
وفته مع الايام يصبح شحوحي
جزر موجه بعد ماكان ممدود
بغياب من كان الدوا لجروحي
هل هو بكيفه او كنت محسود
او سمع من بالوشاية يبوحي
ياعاذلــــي رعى قلـــبك الدود
كانك نويت لي همي ونوحي
كلامك المزعوم عليك مردود
اصفى النوايا يعكسها وضوحي
ماتحجب الشمس كسرة العود
والسيل بمن تصدى له يروحي
واليوم الفرح من دنيتي مفقود
رجواي رب كريم يهون جروحي