ها التشيز كيك لذييييييييييييييييييييييييييييييييييذ .. بس يبي له شغل المقادير الطبقة الاولى كوب بسكوت كاكاو مطحون -اي نوع ، المهم بني 3 م ك سكر 3 م ك زبده الطبقة الثانيه 4 فيلادلفيا 200 جرام -يعني المجموع 800 جرام كوب و نص سكر 5 بيضات كوب و نص كريما سايله ربع كوب طحين 2 م ص فانيلا 10 حبات مارس من الصغار مقطع مكعبات - يعني كل حبة مارس تقصينها اربع مكعبات الطبقة الثالثة (طبقة الكاراميل) كوب سكر اسمر اصبع زبده ربع كوب حليب للزينة كاكاو مذوب في حمام مائي كريما مخفوقة 5 او 6 حبات مارس صغار -كل وحده مقصوصة نصين بشكل مايل الطريقة الطبقة الاولى اخلطي كل المقادير و رصيهم في قالب التشيز كيك في القاع و الاطراف بطول 2 سم حطيهم على جنب الطبقة الثانيه اخفقي الجبن بمضرب الكيك الين يصير ناعم ضيفي السكر و اخفقي ضيفي البيض وحده وحده و اخفقي ضيفي المقادير الباقية و اخفقي صبي نص كمية الخليط على الطبقة الاولى و حطيهم في الفرن مدة 40 دقيقة طلعيه من الفرن و خليه يبرد شوي الحين المارس المقطع حطيه على ها الطبقة ، بس حاولي ما تلصقينه في اطراف القالب صبي باقي خليط الجبن و حطيه في الفرن بعد 40 دقيقة بعد ال 40 دقيقة سكري الحرارة و خلي الكيك في الفرن مسكر عليه مدة نص ساعة طلعيه من الفرن و خليه يبرد تمام -بيطول ، تدرون لأن كتلة الجبن ثقيلة و ما تبرد بسرعة- حطيه في الثلاجة لليوم الثاني الطبقة الثالثة اخلطي كل المقادير مع بعض و حطيها على النار الين ما تغلي .. و خليها تغلي 3 دقايق عشان شوي تغلظ برديها .. بس لا تخلينها مره بارده لانه بعدين الكاراميل بيتجمد و ما يكون سهل تلبسينه الكيك .. يعني شوي دافي عاد زيني على كيفك