حبيبي مابقى عندي صبـر يتحمـل التأخيـر
................................. رحلت وعقبك الدنيا غلاها طاح مـن عينـي
أجاوب اللي يسألني عن اخباري وأقول بخير
................................. وانـا لا خيـر بغيابـك ولا حاجـه تهنينـي
على طاريك كل لحظه و لا أحتـاج للتذكيـر
................................. حريص القلب ماينسى عيونـك لا توصينـي
محد يقدر يعوضني لانك في عيونـي غيـر
................................. ومهما شفت أنا الفرحه بدونـك مـا تسلينـي
وكيف الحال وشلوني جواب مايبـي تفسيـر
................................. بدونك انت ماتضحك حياتي وترمش سنينـي
مثل شاعر عجز يوصف شعوره وخانه التعبير
................................. أنا ضايع ولا أدري من فراقـك أنـا وينـي
مثل طير كسر بعدك جناحه وماقدرت اطيـر
................................. أحاول ابتسـم وانسـى ولكـن وش ينسينـي
أشوفك في صباحي انت معنى يا صباح الخير
................................. وأشوفك في مسائي حلم وردي لا تصحينـي