اقتباس المشاركة الأصلية كتبت بواسطة reemonda ماشي اخواني هذا رايكم بس انا عندي مداخله الحين لو المرأه زوجها يقدر ينفق عليها وقعدت عشانه وعشان عيالها بالبيت طيب نفترض ان الزمن دار وتطلقت منه مين راح يصرف عليها ابوها والا اخوها والا زوجها؟ والا لو قلنا زوجها توفى وماحد عندهم غير الله ثم هو وهالمره ماتقدر تشتغل بسبب انها ضيعت نفسها عشان تقعد بالبيت وتتقيد بالاحكام الجاهليه !! مين يصرف عليها اهلها يصرفون والا اهله؟؟ يمكن يكونون عندهم ويمكن ماعندهم ويمكن ويمكن احتمالاات كثيره وهالوضع انا اعيشه مع وحده اقرب انسانه لي واقع محزن البيت كله عيال اطفال والاب متوفي والام متوقفه عن دراستها عشان تهتم فيهم اوكي الحين راح اللي يصرف الله يرحمه ويغمد روحه الجنه يااارب انتو ماتشوفون الام شلون تبكي بكى عشان تطلب المية ريال من اخوها وللاسف عندهم اخ يشتغل بس ولا ريال ينصرف عليهم اطفال وام وبنات كبار هالعائله ضاعت بسبب الافكار الجاهليه وانا وربي من كثر مااحاتي اقسم بالله اني عايشه هالوضع معاهم ساعه بساعه ولكن للاسف مافي حل..الله كريم..وعلى فكره انتو ماقرأتو كتاب قصة حياة النبي عليه الصلاة والسلام كان فيه موضوع خاص اسمه نساء مجاهدات تعرفون شنو وظيفتهم؟ وظيفتهم هي مداواة الجرحى في الحروب والسقايه والرسول ياما اثنى عليهم ويومنا هذا البنت تبي تصير دكتوره كأنها سوت اكبر غلط والا الممرضه شلون تعامل عندنا هنا وهم مايدرون ان هالانسانه يمكن تكون عند الله افضل منهم ...عموما انتو لو تفكرون تمام وتتخيلون اطفالكم مكان اللي تكلمت عنهم الله يبعد الشر عنكم وعنهم صدقوني تتغير نظرتكم ياما بيوت ماتصرف عليها غير المرأه والآيه اللي ماخذينها على انها للمرأه تقعد بالبيت القصد منها لو رحتو تقرون شرح الآيه مافسرتوها بهذه الطريقه القصد فيها عن التبرج وان المرأه خرجتها من بيتها للحاجه والعمل حاجه والعلم حاجه وياما احاديث تثني عليها وطالب العلم اذا مات يموت في سبيل الله ماحددو قالو الرجل فقط ..انتو بس لو تفكرون زين وتشوفون حال بعض الناس الله يستر علينا وعليكم ماقلتو كذا اسفه على الاطاله بس انا قلتلكم عايشه وضع ساعه بساعه اشوف حال يبكي من القهر فطلعت اللي بقلبي وكتبت مع الشكر على طرح الموضوع اشهد ان لا اله الا الله وحده لاشريك له استغفره واتوب اليه واشهد ان محمد عبده ورسوله عليه الصلاة والسلام بسراحه كلامك يقنع كان في بالي رد قبل لا أقرا ردك وبعد قراءة ردك أنا بصفك وكلامك عين العقل.. بعيدا عن التعصب..