[grade="000000 8B0000 FF0000 B22222 000000"]
فمان الله يلي لـك علـى الخاطـر كثيـر جـروح
فمان الرخص في البيعة تبيـع الصـادق الوافـي
فمان الي يدور لـه مـن الـزلات لوهـي مـزوح
يبي يرحل ولاحصـل مـن الأعـذار لـه شافـي
فمان الله يا الصاحـب وسميتـك عديـل الـروح
ولا لي قـدر أنـا عنـدك تعمـد صـد وتجافـي
فمـان ايامنـا الحلـوة تبيـن ساتـرن بوضـوح
تبين كـل شـئ وصـار وندعـي ربنـا الكافـي
قتلت الوصـل بيدينـك ذبحتـه دامـي مسفـوح
تبـدل كـل اصحابـك كثـوبٍ تلبـسـه دافــي
ماناجي فيك إحساسـك لأنـه قـد رحـل مذبـوح
تغيـرت بهـوى نفسـك تمـل ومالكـم صـافـي
كنيتـك لـي الخنجـر دفاعـي لاغدانـي فــوح
وسنّـك دايـمٍ ورعـاك ومحـزم خاصـرٍ حافـي
وثاري العكس تطعني في ظهرٍ قد حملـك صـروح
في ليـلٍ لايشـاف الكـف نايـم مهتنـي لحافـي
وشوف الدم في كلي ولا أدري من صنع لي جروح
صرخت اسمك على الظلمى عضيدي الثار من خافي
وثاري ماخفى روحك ودمـي بوجهكـم مصفـوح
تمنيت المنية جـات ولا مـن شفـت ذا الشافـي
وثاري ماخفى نفسك عرفتـك ولاأمـر مفضـوح
وحسبـي ربـي الناصـر وماخـذ حقـي الكافـي[/grade]