ياسعود لاتنشد ترى ماني مجيب
خل الذي خافي له شهور خافي
ان شفتني مغتاظ لي حق ومصيب
ياسعود مزعلني جديد اكتشافي
ان قلت زله مثلنا زلته عيب
من قال لك شمس الضحى ماتشافي
ان قلت هقوه يمكن تصيب وتخيب
كم لي سنه ماشفت فيه اختلافي
وان صار في نفسه بعض شكه وريب
حتى البحر ماهو علىطول صافي
صرنا من الصدة سوات المصاويب
كلن نقل جرحه وقال متعافي
اصعب فراق فراق عكف الاشانيب
ماهومفارق لابسات الغدافي
والذيب لامنه عوى جاوبه ذيب
والعلم حامض بس وين الاشافي
ودامه لقا له غير قلبي معازيب
الله يسمح درب هاكا السنافي
يروح لايرجي رسول ومكاتيب
هو خابر اني ما اتلفت خلافي
والي تعلى فوق روس المراقيب
اكيد ماتسفي عليه السوافي
رح بشر الي شال شلفا تريحيب
قله تراها كلبوها عوافي
اليوم نفسي طابت وباكر يطيب
جرحي لو انه من يدين المشافي
الشاعر: متعب التركي