عرض مشاركة واحدة
قديم 18-12-2008, 06:46 PM   رقم المشاركة : 1
~أصداف~
مشرفة سابقة
 
الصورة الرمزية ~أصداف~
الملف الشخصي







 
الحالة
~أصداف~ غير متواجد حالياً

 


 

icon15 مصير الحي يتلاقى..مصير الحي يتفارق(صوت وصدى)

[align=center].
.




[align=right]اضغط على الصورة لرؤيتها بالحجم الطبيعي صوت ..}اضغط على الصورة لرؤيتها بالحجم الطبيعي [/align]



.
.



(مصير الحي يتلاقى) عبـارة تعمـي العشـاق
بها العاشق يصدق لاغدى وسط الوهـم غـارق

عبارة كذب ... أما الصدق : أصلاً هالحياة فراق
إذا : أفضل كذا نكتب : (مصير الحي يتفـارق)

تعب كـل الحيـاة .. وكلهـا هـمٍّ ولا تنطـاق
ودايم في سمـا نفـس المتيـم حزنهـا شـارق

تسابقنا ظروف الوقت لوصـال الحبيـب سبـاق
وتسبقنا على وصلـه وترسـل للفـرح سـارق

وكم من عاشقٍ كـان يترقـب للوصـال وتـاق
وصادم واقـعٍ أخفـى وميـضٍ للأمـل بـارق

حبيبي لا استحال الوصل كيف نترجم الأشواق؟!
زمـان يتعـب التفكيـر لوكـان الذكـا خـارق

حبيبي كنت أبي أمدحك وأذكر وش كثر مشتـاق
ولكنـي شغلـت بـذم دنيًـا همـهـا حــارق

لذلك قلت بالمبـدأ تـرى الدنيـا ألـم وفـراق
وترى أفضل كذا نكتب : (مصير الحي يتفارق)




.
.
ناصر المجماج ..





[align=left]اضغط على الصورة لرؤيتها بالحجم الطبيعي صدى ..}اضغط على الصورة لرؤيتها بالحجم الطبيعي [/align]




أخالف ناصر المجماج... حديثي تجربة عشـاق
أنا وشلون عاشـق كـان لاناطـر ولا مفـارق

ركود الحب ما أطيقه ... وحياة فراق ما تنطـاق
عرفنا الود بالتوديـع ... شفنـا باللقـا الفـارق

يا ابن عمي غلا واضح ماهو حبرٍ على الأوراق
غلا يجعلك تنسى اسمك وتنسى زياد مع طـارق

يسد النقـص بالدنيـا حبيـبٍ يسكـن الأعمـاق
بدايتهـا بنظـرة عيـن سهـمٍ للحشـا خـارق

إذا العاشق فتح باب الغلا وقـع علـى الميثـاق
يطبق سنـة العشـاق مايسـأل مـن الطـارق

رفيع الشان حبه يرفعه مـا يطـاوع المشـراق
نظير من الألم سهران ... جبين من التعب عارق

ترى اللي خاض ببحور الغلا من غير ما يشتاق
مهو عاشق هذا اسمه على شرع الهـوى مـارق

على ما قلت أأكد لـك حلاوتهـا لقـى وفـراق
مصير الحي يتلاقـى مصيـر الحـي يتفـارق



حمد السعيد ..
[/align]







التوقيع :
.
.
يا ربّ العطاء والنعم والفضل والمنّة ,
لا تحرمني من شكرك حتى الموت ..!

رد مع اقتباس