قالت ضعيف
ماتقدر تعيش من غيري أبد
قلبك رهيف وقلبي
!!العواصف والرعـد
قالت بصوت صليف
أنا أنا
ماتلقى لك عني غنى
أنا السنا
لعيونك وشوفك
أنا الآمان لك
من شكلك وخوفك
أنا المطر
يحيي صحاريك الجداب
ولاأشرقت في لوحة سماك
تغرد عصافيرك فرح
وينقشع كل الضباب
وبأختصار... لامن بغيته باختصار
!! انا الحياة وانت الجسد
حبيبتي
ياللي رسمتي صورتك
شمس بطلعات النهار
هتان... تحيا به قفار
ياللي رسمتي صورتك
عز وشموخ
وياللي رسمتي صورتي
ذل وصغار
ما أنكر إنك كل ما قلتي وزود
لكن ودي اسألك
وش معاني هالجمال؟
لاقيلت بدون الضدود
ابسألك وشو القمر؟
لاصار مابه من ظلام
!! حتى التمام
من دون معنى للنقص وشو التمام؟
والا الشموخ... له معنى الشموخ
من دون معنى للحطام؟
حبيبتي
هذا وعد دامك تكبرتي علي
وخليتي مالي من سند
أبسجنك وسط الحشا
وبأعذبك
بخلي ماجنبك أحد
ولاملت أركان الحشا
بأنقلك وسط العيون
وبأطبق عليك نار الجفون
ولاصرتي في هم وجهد
بضحك كثير لقوتي
ماني ضعيف
!! أنا العواصف والرعـد
=====
خاطرة اعجبتني .... وحبيت اني اعرضها عليكم
بس مادري منهو الشاعر
ابو سعود