.
.
تختصر الكلمات ..
بـ أحساس آخر ..
.
.
غبتي وضاق العطر واستاحـش الـورد
ونادت عليك مرايتـك ليـن ذابـت !!
وأنا ذبحنـي مـن بعـد غبتـي البـرد
أسئل عليك وكـل الأحـلام غابـت !!
فردتلـك ضلعينـي البـارحـه فــرد
وكل الهقاوي للأسـف فيـك خابـت !!
هذا وأنـا مقـرود مـن خلقتـي قـرد
معاي أبـد ماعمرهـا يـوم صابـت !!
أيامـي اللـي بينـي وبينهـا طــرد
وجروحي اللي مابعـد يـوم طابـت !!
لـو الغـلا ماكـان يستاهـل الـسـرد
ماكان أبياتـي لـك اليـوم شابـت !!
ياللـي وصالـك بُعـد وأشواقنـا وِرد
مدري وش اللي منك الأشواق جابت ؟!!
حتـى الحنايـا بسبّتـك كلهـا جــرد
والحزن من بيـن المعاليـق نابـت !!
ثم ضقت ذرعاً والمشاعـر بعـد شـرد
مابيـن ماتابـت / ومابيـن تابـت !!
وأنا لـك الله أسئـل العطـر والـورد
ومرايتك وأقول : هي ليش غابـت ؟!!
قالت : تبيك تجـرّب النـار / والبـرد
تبغى تشوفك منكسر / وأنت ثابـت !!
الشاعر المبدع ../ فلآح العماش ..