[حمال الاسيه]

السلام عليكم
اولا مشكور سمح على هالموضوع الحلو وعجبتني الفكره تسلم لنا هالافكار
صراحه قريت كل الردود بس ماحد يوقف جنب ردي انا جبت العيد بقوه ههههههههههههههه
اول سياره تعلمت عليها ونيت فورد وكان ماحد يعلمني عطوني الونيت وقالوا تعلم اول شي سوته حرقت الكلتش وبعدين دعمت هندي عند البقاله وبعدين ماخلوني اسوق لين وصلت ثالث متوسط بعدين غثيتهم اسووووووووق يعني اسوووق وتحمست مره وسرقت سيارة السواق صابونه 93وطلعت افحط بالحاره الظهر وانواع التفحيط ازعجت الحاره اخر شي ماردني الا سيارة المراعي ههههههههههههههههههههههه
صفقت جد جده ونزلت اهاوشه من قواة العين يوم جاني اخوي قالي شسالفه قلت مدري هو طلع بوجهي قال زين ليش جرة الكفرات اللي ورا معلمه على القار قلت مدري قال يعني ماكنت تفحط قلت لا اعوذ بالله شوي الا نقز هندي البقاله قال الا هذا سوي حوووع حووووع بعدين سوي اكسدنت هذا سياره <<<هندي البقاله حقد علي الظاهر عشاني دعمت سيارة المراعي وتأخرت ماوصلت له اللبن والزبادي ماحد شرا من عنده

وبس بعدها قعدت لين ثاني ثانوي وانا ما اسوق الا تحت المراقبه

ادري طولتها بس حبيت اقول قصت حياتي ومشكور مره اخرى على الموضوع