السـلام عليكم ...
اليوم يبت لكم برنامج حلو حق المسنجر
اول شي :-
مميزات البرنامج :-
يكبر الصوره بالمسنجر .
وتقدر تفتح اكثر من مسنجر في نفس الوقت .
وتقدر تكتب باليد ( نفس نظام الرسام اللي تكتب فيه بايدك ) .. وفي بعد جم ميزه..
برنامج حلو وسهل
وهذا اهو الرابط ماله
http://download.msnshell.com/messengershell531.exe
بس لحظه قبل لا تنزلونه لازم تنزلون المسنجر البلس
msn plus
وهذا الرابط مال المسنجر بلس
http://download.msgplus.net/files/msgplus-setup.exe
طبعاً طريقة التثبيت سهله حيل وما يبي لها شرح
انك كله اطق نكست وانا اوافق على الشروط ومادري شنو وراح ينزل البرنامج عندكم ..
يعني ما يبي له تعقيد انتو اقرو شنو يقولون لكم وراح تفهمون ...
اوكي الحين الشرح حق msn shell
اللي يكبر الصوره و .. و.. الخ
وهذا الشرح بالصور لقيته بموقع ...
http://vb.ozq8.com/showthread.php?t=284701
ملاحظات ...
الموقع فيه الشرح بالصور وكامل ...
اللي ما يضبط معاه أي شي من الشرح وخصوصا ال emote
مالت تكبير الصوره ..و يخليها بحجمها الطبيعي والكبير
لازم يستخدم المسنجر اصدار 6.1
وترا المسنجر بلس msn plus
يخزن اللوقات .. يعني الكلام اللي يصير بينك وبين أي احد بالمسنجر يتخزن على هيئة نوته بالماي دوكومنتس
( المستندات )
راح تلقى اسمه my chat logs
أو سجل محادثاتي ..
وتقدرون تشيلون هالخاصيه ...وحتى تقدرون تمسحون اللوقات بالماي دوكومنتس
ويمكن لمن تسوون كل شي ما تقدرون اطقون على كلمة apply
أو ok
اللي صايره تحت كلش .. لأنها ما تبين فسوو auto hide
( اخفاء آلي )
حق شريط المهام بعدين طقو أبلي واوكي .. وبس