[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يبو خلف شدّت عزوم الركايب=وضحن تشرّب لونها بعين حسّاس
يرقب محاسنها بيليّا معايب=قوّة غلاها ترخص الدر والماس
مع نسنسة فجرٍ مخالط هبايب=عانق هوى المسمى .. تخفّى عن الناس
اذّن بصوته .. للفجر .. صوت شايب=يركع ويسجد خالي الهم والباس
لا انهى صلاته بوقت نوم الزلايب=دن النجر وادنى من الجيب قرطاس
يشرب من الرسلان بجنب الحبايب=النار .. والبارود .. والطلح .. والفاس
مع رشفة الفنجال يصوّت / ياااااجايب/=اسم الفحل .. جايب .. عنيدٍ ودفّاس
يوم الفلق صحصح وضم السحايب=قام يتعصّب بغترته .. شد الانفاس
ناوي على عرنان .. مسمّى القرايب=شامخ يطول السحب وراف ونوماس
لا اقبل على عرنان يحوف الركايب=قام يتذكر .. وعبرته مالها قياس
من كبرها ضلوعه تمايل عطايب=ومن زفرها سالت عضيمات الاطعاس
يذكر أثر جده ولا هو بتايب=وشلون يتوب الفقد من ضلع واحساس
ياربي عطّر مسكنه والنصايب=برحمه تعم القبر .. ياااخالق الناس
يومه رقا .. يشكي للاطلال نايب=الأرض تسأل ؟ هيه ؟ يامعصّب الراس؟
ابنشدك عن واحدٍ صار غايب=يسوى كثير الخلق .. عزٍ ونبراس
وتوصف المرحوم ودمعه سكايب=ثم انتخى .. واسكب .. غدا الدمع دوّاس
قالت:تبي رجلٍ عريق الصلايب ؟=يشبه خطى المرحوم ساس على ساس
هذا أخو ....... عدوّ المعايب=هذا سمّي الجد للطيب مرّااااس
لاضاعت الخوّة وغدا الطيب سايب=نلقاه بيدين المطاليق نبراس[/poem]