بسم الله الرحمن الرحيم ..
..
السلام عليكم ورحمة الله وبركاته ..
..
..
الدمعه اذا سقطت منه مصيبه ..
..
والاصعب عندما .. يسألك ..
..
..
..
..
لي دمعة(ن) .. ماشفتها ويـن طاحـت
يسأل وأجاوب .. داخـل العيـن حلـت
//
لقفتهـا ودمعتـك .. بالعيـن سـاحـت
ما أرخصتها للقاع .. مـن يـوم هلـت
//
في عيني اليمنى .. على الموق لاحـت
نهرتهـا وتابـت .. ومنـي استـذلـت
//
يا شيب عينـي .. والهمـوم استباحـت
صدر(ن) ملاه الضيق .. والـدار ملـت
//
أمشي وأنشَد وين هي .. ويـن راحـت
ولا احد(ن) درى .. سيف الجفا ليه سلت
//
لا ما ارحمت .. في صدها ضلوع ناحت
وقلـب(ن) نقلتـه .. منـه اليـد كلـت
//
من عقبها وايامـي .. البيـض شاحـت
عني وقفت .. ما ارجعت لـي وطلـت
//
اللي بقت ذكرى .. بعينـي استراحـت
دمعة عتب .. يم اسـود الموق صلـت
//
لقفتهـا ودمعتـه .. بالعيـن سـاحـت
ما ارخصتها للقاع .. مـن يـوم هلـت
..
..
لا جديد .. سوى المعاناهـ..
..
ماكنت اظن الخلق .. تشكي من الخلق
الين شفت الموت .. من هجر الأقراب
//
ياللي تقول اليد .. هي فزعة الحلق
ابي اقطع ايديني .. ابي الموت منصاب
//
يااللي مشيتوا دربكم .. دربكم زلق
ما من دليل وليلكم .. اسود غراب
//
مسكين منهو .. يسهر الليل به فلق
يشكي وجع راسه .. على ناس غياب
//
يبي الفزع مغبون .. وحجاجه الطلق
اليوم معقود(ن) .. شكى ظلم الاجناب
//
يا قلب لا تجزع .. ولو تنصلق صلق
يمك عروق الجسم .. بالدم لا تهاب
//
حي الذي ما يعطي .. شوي او شلق
يا يمدها جزله .. او يموت ما انعاب
//
ما يضيق لي خاطر .. ولا يضيق لي خلق
دامي شمالي .. والطبع حيل غلاب
//
فكيت بيباني .. ولو بابهم غلق
يا رب انا بحماك .. من جاك ماخاب
//
ماكن اظن الخلق .. تشكي من الخلق
الين شفت الموت .. من هجر الاقراب
..
..
..
..
محبكم ..
..
..
عبدالعزيز الوادي ..