:
:
صبــآح / مسآء ....!
الورد ....!!
:
:
قصيدة جديدة .. لـ مجرم الشعر .. ( خلف المشعآن ) ....!
يقرأ .. فيهآ .. الكثير .. من تفآصيل الوآقع ...!!
لم تنشرهآ .. أكثر المنتديآت ..!!
لذآ ..!!
فضـّـلت .. أن تشآركوني .. متعة .. الحرف الجميل ........................!
تفضــلوآ .. //
هو جيل عبدالله مثل جيلك الحين
........................... وإلا زمنك تقارنه في زمانه
ولّى زمان اللي بهم مسحة الدين
........................... وجانا زمان الدان والليل دانة
نعيش في عصر إنقلاب الموازين
........................... اللي ماهو تخبر إنت .. صعب إتزانه
عصر التناقض بالهدف والمضامين
........................... فيه الردى بالطيب سهل إقترانه
لو لـ الملأ / عين ٍ تشوف الملاعين
........................... ما ينتشر فينا ( وباء اللعانة )
الداء يكبر من سؤال ( الدواء وين ) ؟؟
........................... كم بالبلد ديوان مابه حصانه
والظلم سلم اللي على السلم ماشين
........................... حسب إتجاه السوط والخيزرانه
طاح الحصان وقام حظك يا أبو حصين
........................... وراح الأسد ... والضبع سدّ بمكانه
هي ( زوبعانه ) وطار معها كثيرين
........................... و طرنا مع اللي طار بـ الزوبعانه
بـ رقيبتي ماهم عن العلم دارين
........................... يسلم لسان فلان ويسلم لسانه
ألبس ردى رأيك .. ريائك .. وقل زين
........................... بـ قريح لو يخسر ضميرك رهانه
بعدين تستافي مكاسبك بعدين
........................... رزق المهرّج من ورى مهرجانه
يقوله اللي جرّب الشين والشين
........................... الزين ماله مع أهل الشين خانة
اليوم لو تلقى مثل خوّة حسين
........................... ما أظنّ تلقى مثل راعي الأمانة ..........!!
مجرررررررم .. يآ / خلف .!
:
:
لكم كل ودي ...!
سلالالالام .!!