عندنا العكس لا جاء وقت الأكل بدت المضاربه والمشاكل والأقوى هو الأسبق وبدأ الكلام انت أناني منت خوي طيب جب لي معاك يقول لا يدوبك لحقت لنفسي ومن زين اللي يبيعوه لنا صدقت في المصايب اللي نشوفها من ورى أكل هالمقاصف لو انهم يبعيون لنا فواكه أبرك
بس الفرق شاااااااااااسع بينا وبينهم في كل شيء نظام وتعود وحسن تعامل ماشاء الله متفوقين في كل شيء وأعتقد تفوقهم بدأ من يوم تعلموا وهم صغار أخلاق الإسلام وتعاملاته مادروا إن أهل الإسلام ضيعوا من الإسلام مافيه صلاح لهم وإصلاح لحالهم .
البوفيه وما أدراك ما البوفيه
عند الرجال مثل النساء لا انعزموا وصار بوفيه تشوفهم وهم داخلين تقول هذولا داخلين حرب عالميه ولا جايين من ماجعة ولا ما يعرفون أنواع الأكل أبد ولازم الصحون تترس من كل نوع حتى لو ما بياكلونه ماتقدر تقول الا ذولا فيهم حسد وأنانيه وفجعه والحريم اللي سمعته عندهم كل وحده تاخذ ملاعق وشوك أما الملاعق ملعقة للحلى وملعقة للمالح مسوية الأخت إتيكيت والشوكه عشان تكملة الإتيكيت ويجون أهل الذوق والإتيكيت في الأخير وما يلاقون شيء ..
مو تصرفات غريبة وساذجة ....؟ 
والأغرب الذوق والإتيكيت اللي لازم يخلونه في الصحون والكاسات مو بس في البوفيه حتى في الطلعه الحين الواحد لما بيشرب وياكل صح صار غلط أفكار مدري من وين جايبينها هالحريم نسيوا انه في ديننا من المستحب لعق الأصابع بعد الأكل يعني لا خلصت الأكل تلحس يدك وش اللي صار دحين
اكتشف العلماء انه بعد الأكل يقوم الجسم بفرز مادة إذا ما لوعقت فإنها تقوم بتسهيل عمليه الهضم ومنع حالة الخمول نسيوا بركة الأكل انها في آخره مو في الفجعة قال النووي: أن الطعام الذي يحضر الانسان فيه بركة ولا يدري أن تلك البركة فيما أكله، أو فيما بقي على أصابعه، أو فيما بقي في أسفل القصعة، أو في اللقمة الساقطة.
وش أقول وش أخلي الله المستعان
لا بقول شيء نسيته بما اننا في رمضان يا فرحة أهل السوبرما ركت والخضرة والمواد الغذائية تقول الخلق ما يعرفون الأكل ربنا له حكمه في الصيام حكمه روحيه وجسديه وهم مضيعينا أتعبوا أجسامهم بالأكل طول الليل وأرواحهم بالمسسلات وغيره
ولو قرأ أحد أو سمع عن فائدة الصيام ما بيفكر في الأكل هذا بالذات في هالشهر الفضيل الصيام يطهر الأبدان ويطرد السموم اللي فيه مع الصوم وفيه فوائد كثيرة لكن احنا خبر خير ...
طولت عليكم لكن تشوف شيء يقهر من العالم المسلم وبعدين تسمعهم يقولون احنا فين وغيرنا فين احنا مو عايشين مثلنا مثلهم شوفوا بلادهم متقدمه ومطوره تراها ما صارت للي هي فيه من الهوى اجتهدت وبذلت واتعلمت وربت ووصلت مو نامت وأهملت وتكاسلت وتفاخرت واتكلت على غيرها ..