السلام عليكم ورحمة الله وبركاته
اخواني اعضاء نادي العلمين من اداريين ولاعبين وجماهير
انا بقول كلمتين واتمنى ماتاخذون بخاطركم من اللي بقوله
ومثل ما طلبتوا من الاعضاء الصراحة انا بكون صريح معاكم الى ابعد الحدود
صدقوني صدقوني
مهما صار ومهما تم مستحيل يتطور مستوى كرة القدم بالنادي
وتذكروا كلامي
الا في حالة وحدة !!!
انكم تهتمون باللاعبين البارزين وترك المجاملة على جنب وعدم اعطاء اي فرصة لاي لاعب مهما كان حجمه بالناي المجال بان يفرض كلمته سواءا ً على المدرب او على الادارة
والشي الثاني ودي ان كل لاعب تخلف عن دورة الصعود اللي صارت في بيشة يعاقب عقاب صارم
لام اغلب المتخلفين عن الدورة كان مهملين ولاتوجد عندهم اي ظروف تمنعهم من السفر ( قلت اغلبهم مو كلهم )
واتمنى ان الكل يكون عنده روح الوفاء للنادي مثل مانشوف في كابتننا الكبير ( والكبير الله سبحانه ناصر صلبي الشمري )
ولاحظت شي على ادارة النادي وهي اهمال اللاعبين القدامى
بالعكس في لاعبين مجرد تواجدهم مع لاعبي الفريق الحاليين وليش شرط لعبهم في المباريات يكفي تواجدهم راح يعطي روح للفريق وماننسى عامل الخبرة والتوجيهات اللي اتمنى محد يبخل فيها على ابناء النادي
وانا عندي كذا ملاحظة على اغلب اللاعبين لكن اخاف اقول الملاحظات ويزعلون
فخلوني ساكت احسن والله احسن
يمكن البعض يفسر كلامي على اني ضد النادي
بالعكس انا مالي اي علاقة تربطني بالنادي غير علاقتي باغلب لاعبيه
وفي شي مهم ذكره اخوي اللاعب ناصر الشمري وهو ان الجميع لازم يتحدون يدا ً بيد من اجل رفع اسم مدينة الخفجي فوق
وبالتوفيق انشاءالله للجميع
تحياتي لكم 