أنا..أنا..لـولاي أنا مـن تكـونين *** أقـولها وأنـا نعم فيك مغـرور
أنا جعلتك نـور و إنـتي من الطين *** جـرّة قلم..وأمحيك من عالم النور
إنـتي بـدوني وردةٍ في البسـاتـين *** والـورد في دنيا البساتين..مغمـور
لكن معي صرتي كما الشـوف للعين *** والعين لولا الشـوف ما من لها دور
هـذا..وقصدي تعـرفي موقعك زين *** وحذرا ترى من أنذرك صار معذور
إما إشتري ودّي على العسـر واللين *** ولا تـراني بـايعك بيعـة البـور
بسطـور خليتك شـعار الـمحبين *** وأمسحك من دنيا المحبّين بسطـور