عيني تزايــــــد دمعهــــــا واسهرتني
وعفت المنام اللي به الناس ســالين
وجريت ونات الحـــــــــــزن وجبرتني
أعيش وحدي دون خلاً يســــــــــلين
وحاولت في نفسي ولا طـــــــاوعتني
يا علها تدله وتســـــــــلي عن الزين
لاقلت بنســــي قـــــاومت ومنعـــتني
تقول كيف أنســــــاه والناس دراين
ليت الليــــــــــــــــالي بالقدر علمتني
أنك لغيري دون شـــــــــــكا وتخمين
يا بنت أنا منك الليـــــــــــالي سقتني
زوداً على هجرك من المرء كاسين
واعدتها ما أنســـــى وهي واعدتني
والوعد عهداً بين كل المحبـــــــــين
جازيتها بالوصل يوم هجـــــــــرتني
باشعاري اللي ســــطرت بالدواوين
لا جيت أميل بفكــــــــــرتي وجهتني
وناجيت زولك والمخاليق ممســين
لامن نويت الوصل يا مشــــــغلتي
دربه عســـيرونبرت الحزن تشقين
واليوم أنا قررت مهمـــا وطتــــني
دنياي برســـل خطى لصافي العين