[أبو نوره]

جنون منتصف العمر ...
أنتي غير الناس ..
أنتي ..
أنتي محد ِ يشبهك فــ مرايتك ..
ألا عيونك
أنتي من يقدر يخونك ..؟؟
علميني ..
كيف أسافر في تضاريس التناهيد الحزينه..؟؟
كيف أشوفك في عيوني ..
طفلة ترسم مراجيح المدينة في يديني ..
علميني ..
كيف يجمعنا وطن..
و كيف يبعدنا زمن ..
و كيف أدافع عن خفوقي ..
من طعونك
لو هجرتك..؟؟
وش يردك في حياتي ..
غيرك أنتي ..
ولو سهراك
وش يذكرني بليلي ..
غير صمتي ..
جيت متنكر ..
لبست جروح غيري
ولما صار الحلم يكبر ..
قمت ادور عن مصيري
علميني ..
كيف تجمعنا خطوط الطول..
من خلف الحنايا
و أبحث اكثر..
في دوائر عرض خصرك
عن زوايا ..
و أنثر الباقي من اليابس بصدري..
في بحيرات النوايا ..
أنتي لما تظحكين
الشمس تشرق من شفاهك
و احس اني حزين..
ولما ابكي تسمعين
وما قدرت اني افرق
بين اهاتي .. و اهاتك ..
علميني ..
كيف يبقى الجرح .. نفس الجرح
في كل الأماكن ..؟؟
و كيف صار الورد داكن ..؟؟
لو سمحتي ..
ممكن افتح نافذة هالحزن ..
و أبحث في جبينك
عن علاقه ..
تربط التاريخ .. بالجغرافيا
و الحروف الأبجدية ..
من الألف ..... للياء..
و عن نقوش ... تشبه الحناء ..
و حنا و الطفولة
و عن أساور تلبسك في معصمك..
او تلبسيها ..
علميني .. و علميها ..
علميني ..
كيف اعد أيام عمري
بين أصابيعك ..؟؟
و الاقي دبلتك تطوي سنيني..
كيف اواجه دمعتينك
لا ما ابيعك ..
بعد مايجمعنا حديث جانبي ..
في أي مقهى..
تعرفين
أني تخيلتك عروس ..
و أحترقت اكثر ..
و طااردت الهجوس
اتركي لي .. أي لحظة
أخذ أنفاسي بها ..
و أبدا أخونك ..
أأأهـ ...
يا أخر محطات أشتياقي ..
و كلي الباقي ..
وين أسافر عن عيونك ..
و انتي كل الناس .. أنتي
أنتي غير الناس .. أنتي
أنتي محدِ يشبهك في أي حاجة
ألا أنتي ..
ألا أنتي ..
أنتي اخر من خرج من ضلعي الأعوج ..
و من بعدك كسرته ..
لا .. عدلته ..
لا .. حذفته ..
لا .. أخذتيه ومشيتي ..
بعدها يمكن نسيتي ..
أن اخر من تبقى من نساء الجاهلية
حفنة طعون .. و خناجر ..
و كيف أسافر ..
و مابقى لي في جنون العمر ..
دمعات و محاجر .