[أمير الليل]

مساء الخير ..

قبل الملكه المفروض ما يكلمون بعض بالتلفون أبدا لانه ما في رابط شرعي يبرر هالشي ومكن تحصل مشكله بينهم وينهون مشروع الزواج بعد ما حصل بينهم تلفونات ومصارحات ممكن تستغل بعدين في تبرير الانفصال عند المجتمع والناس والبنت راح تتضرر هنا أكثر ..

بعد الملكه أشوف انه شي طبيعي يكلمون بعض بالتلفون واكيد بتكون المجاملات موجوده وخاصة من جهة الشاب بس بتكون فرصه مناسبه انهم يعرفون بعضهم أكثر ويتفاهمون على مواضيع كثيره قبل العرس عن حياتهم وطموحاتهم في المستقبل بحيث يكون في انسجام وتفاهم من البدايه ..

رأيي هنا ينطبق على الحالتين اللي ذكرتها في حال حتى لو كان بينهم صلة قرابه ..


أيام الملكه تكون حلوه دايما لانهم بعيدين عن بعض وكل واحد فيهم بيكون مشتاق للثاني مره وما في شي يشغلهم أكثر من لحظه تجمعهم تفكيرهم محصور في دنيا الحب والرومانسيه .. بعد العرس راح تستمر فتره .. بعد كذا هموم الدنيا وروتين الحياه والاطفال والعمل بتشغل حيز كبير من حياتهم ..

الحب ما راح يموت بينهم لو خصصوا لانفسهم وقت يتفرغون فيه لبعض ويجددون لحظات الحب والرومانسيه ..




مجرد رأي شخصي ..
شكرا بنت نجد ,,