بسم الله الرحمن الرحيم
السلام عليكم ورحمة الله وبركاته
انا عندي مقدمة وسؤال ورؤيا
اول شي..انا والله ياشيخ لساني عاجزعن الشكرلك ولاخوي ابورائدعلى الاستضافة المهمه الي جت بوقتها وانت ياشيخ ماتدري قدايش تريح نفوس تعبانه ومهمومه وتكسب دعاء الناس لك ولصاحب الفكرة وانا انسانه قدرالله علي اني اكون دائما تعبانه لان علي عين وحسدونفس وغيركذاحتى البيت الي سكنته منفوس ماادري القاها من وين من نفسي ولامن بيتي ولامن زوجي ..الحمدلله على كل حال
وادعي ربي كل ليلة بالثلث الاخيروتجيني رؤيا واحتار ماالقى احديفسرها واقعدافكرفيهاواليوم الله يجزاك ويجزى مدير المنتدى خير الجزاءقضيت لي حاجتي الله يجعلها بموازين حسناتكم..والسؤال ؟؟اذا انا حزيت الرؤيا والشيخ مافهم قصدي وفسرها يقع التفسير؟؟
اما الرؤيا..كاني بالبر وبوسط البربحروشاطئ بحرواستغربت انه موجود بحروالبرترابه ابيض ونظيف والبحرهادئ ولونه ازرق وحلو وجميل والشاطئ ترابه ابيض ونظيف واحرك الماء بيدي والماء صافي ومن صفاوته احس انه يلمع ومعاي بنتي ليان وزوجي سعودوفيه ابل تمشي بالبر وزوجي يروح عندها وانا ابعدعنها مااحبها وجلست على كرسي مصنوع من الحديدومصبوغ بلون اخضر وكبيروله زاويه مثل شكل الزاوية المنفرجه وجلست عليه مرتكيه وتمددت عليه وجاء سعود يلاعبني وانا مبسوطه ..ملاحظة..لما صحيت من النوم حسيت براحه وسعاده..وولدي عمره14 راى ان ابوه يحفرعند عتبة الباب ولماجاء ولدي عنده رمى حاجه كانت بيده بسرعة قبل مايشوفه ولدي ودفنهاوبعدين دخل ولدي لغرفة نوم عيالي ولقى الامير سلطان بن عبدالعزيزوكانه بالمنام عم عيالي يعني بمنزله العم يقولون له ياعمي ويحسون انه قريب لهم .الله يعافيك ياشيخ لاتخبي علي شي بتفسيرالرؤيا.وخاصة الجزء اللي كان زوجي يحفر عندعتبة الباب..
وتعرض لي رؤى ان حوش البيت فيه قطط وكلاب سوداء وكثيرة تكون نايمة ولما امشي بينها اولع لمبات الحوش واسمي اقول بسم الله بسم الله ..وبنتي عمرها 16 سنة رات اني اقراسورة الاحزاب عن ظهرقلب وبطلاقة وهي تحاول تقراءها مثلي وانتهت الرؤيا على كذا ..وآآآآآآآآآسفة على الاطالة..
والله يجعل جزاك جنة الفردوس الاعلى والله يعافيك..
آخر تعديل النادر.. يوم 04-03-2010 في 07:21 PM.