بسم الله الرحمن الرحيم
السلام عليكم ورحمة الله وبركاته
عندي سؤال اتمنى اعرف إجابته
حاولت اعرف واحلل الموضوع واقلبه يمين ويسار بس ما وصلت للسبب الحقيقي او انه مجموعه اسباب.
المهم ما أطول عليكم سؤالي موجه للشباب هو:
وش تستفيد من ملاحق بنات خلق الله وش تستفيد من المغازل وايش المتعه الي تحسها تحققها؟؟
بس ما لقيت إجابات
يعني وش قصدك (شوفوني انا عندي حبيبة وصديقات وانتم لا) "طيب وبعدين" وش الانتصار الي حققته.
ولما لاحقت واذيت بنات المسلمين وشعورك؟ وايش شعورك وموقفك لما تصدك؟
اما بتحس بصغرك وتفاهتك وتحترمها وتستحي من نفسك ومن فعلك،،،
او انك لما تصدك وتتفل بوجهك"تكرمون" تستمر بالمحاوله؟ليش تستمر هل هو حب انتقام ام رد اعتبارك وهيبتك امام اصحابك وضياع برستيجك(ما فكرتوا بضياع هيبتكم امام الله وانتم بهذا المنظر) (هل تعتبره صديق الي يحثك على فعل المنكر؟)
وش تحس فيه وانت طول يومك تفر بالشوارع وتلحق بنات خلق الله وتجي اخر الليل"عفواً قصدي الفجر" تحط راسك على المخده وبتنام وتسلم روحك"الموته الصغرى" وانت ما سويت شيء تقابل فيه الله.
طيب انت تشبع عواطفك لما تلحق البنات وتكلم هل عندك نقص حنان مثلاً (يعني حسب ما تقولون"الرجل يتحكم فيه عقله والمرأة عاطفتها"بس الي يصير العكس"تناقضون اقوالكم بافعالكم")
انا ما اعتقد انك تستفيد غير المخاسير اولها بانزين سيارتك الي خلص وانت تفر بالشوارع وترجع تعبي ويخلص راحت فلوسك ،، غير التعب الجسدي بقعدتك بالسياره بالساعات وبعدها المكالمات تخسر رصيدك ولا تجيك الفاتوره ضربه ،، وتتعب اذونك من الجوال الي معلقه فيها ،،وتخسر هدايا وبطاقات و غيرها.....
وقبل كل هذا تخسر ربك لانك اغضبته(العين تزني وزناها النظر،والاذن تزني وزناها السمع) وممكن تتطور الامور وتكون فيه مقابلات(خلوه غير شرعيه)لقوله صلى الله عليه وسلم(لا يخلون رجلا بامرأةً الا كان ثالثهما الشيطان).
سمعتك بين الناس ما تهمك لما يقولون فلان ولد فلان اعوذ بالله منه ومن سيرته ،، خساره انه ولد فلان .
من سمح لك بممارسة هذي الافعال هل هو المجتمع الذي يقول:
الرجل ناقل عيبه ـــ بكرى يكبر ويعقل ـــ الرجال ما يعيبه الا جيبه ــ بكرى يتوب والناس تنسى خطاه.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل سينعكس على اهله ويتاثروا من سمعته؟
هل ستشاوره الشكوك باهله ويخاف ان تدور عليه الدائرة؟؟
الكلام كثير ولكن اترك لكم المجال لطرح وجهه نظركم.