الحل ان الشاب يحاول قدر الامكان يكيف نفسه مع مصاريفه لان ما باليد حيله وانا اخوك ,,,
يعني راتبك 2000 مثلا وتبي تركب مرسيدس ؟؟ سالفه هذي بعد ,,,
واكثر الشركات الخاصه تحاول توفر وراتب العامل الوافد بالنسبه لهم اكييد احسن من راتب الشاب السعودي ,,,
وفي شباب بعيد عنك يبي اول ما يشتغل مدير ما يبي يكافح و لا يتعب ,,,
و في ناس فيهم خير وبركه تحصله يبي يشتغل بس ما يبي يقعد بالبيت يقشر بصل ,,,
انا معاك ان هالايام كثرت المصاريف لكن هذا احنا عايشين الحمدلله وبألف خير ونعمه وتكفينا الصحه ,,,
مدام انت مآكل و شارب ونايم الف الحمدلله على هالنعمه غير نعمة الامن والأمان ,,,
واكييد في شركات تظلم عمالها انا ماني مع اي طرف من اللي ذكرتهم لان موضوعك متشعب يعني في شركات تلقاها مظلومه و في شباب تحصلهم مظلومين يعني مو دايما الظلم من طرف واحد ,,,
يعني نفرض مثلا ان دخل الشركه الشهري 30 الف تبيها تعطي الشاب هذا 5000 وباقي الموظفين ؟؟
الكلام بهالموضوع يطول والله وصعب تلقاله حل بيوم وليله ولعلمك للحين الناس تفكر بحل لهالمشكله الصعبه ,,,
وانا بدوري اشكرك كل الشكر على حرصك على ابناء جيلك وطرحك لهالموضوع القيم ,,,
تقبل مروري ولي عوده بأذن الله ,,,
اخوكم : مـــــحـــــمـــــد