قـالوا مريض وقلت [ فيني ولا فيه ]
ياعـزة الله كـيـف ذاك الـمـرض جـاه
كيـف الألـم يدمي فـواده ويدميـه
ليـت الألـم ، يانـاس شخص اترجاه
برجيه رجـوة بخيـر حالـه يخليـه
وان كـان وده علتـي قلت محـلاه
لاجلـه ، بشيل العـوق عنّه واراعيه
واصيـر من بـد الخـلايـق أنـا دوـاه
لانـه عضيـد الـروح والقلـب يغليه
ما ودي انـه لحظـةِ يشكـي الآه
لو كـان بيدي في عيـوني أداريـه
واتشيلـه اجفـوني وتغمض وتنساه
ياذا المـرض عجـل دخيلك تعـديه
خـل التعـب لا يهد حيـله ويصـلاه
ماجـور يامـن بالنـواظر نسـاويـه
يالله عسى من الشر يسلم محياه