[تباشير الصباح]

السلام عليكم ورحمة الله وبركاته ،، شكرًا أخي وحيد الزمان على موضوعك اللي طرحته بخصوص الوضع السيء بالثانوية الأولى وأنا أضيف ما لدي ..

أولا ً : معلمة الرياضيات اللي تطلع لها اربع سنوات قبل الساعه 11 هذي لها مصالح مشتركه مع المديرة منها على سبيل المثال لا الحصر معلمة بنتها من العام الماضي والسنة هذي بعد علشان درجات الرياضيات تكون كاملة كون المادة مهمة في رفع المعدل .
ثانيا ً : الكاتبة مضبطة حالها مع المديرة علشان بنتها بصف ثالث علمي وتبي تضمن درجاتها لان معلمات ثالث علمي تحت أمر بنت المديرة ،، أما المرشدة فهذي تعتبر المديره الثانية بالمدرسة وجالسات طول الدوام قهاوي وحلا وفطور وسوالف لانها موزعه شغلها على مربيات الفصول ومرتاحه ومكملة الجلسة معاهم محضرة المختبر اللي على فكره بعد ما تدري هالمختبر وش فيه من أدوات .
ثالثا ً : المراقبات اللي المفروض يراقبون الطالبات تحول شغلهن الشاغل المعلمات وعلى ما هو كل المعلمات هم مركزين على معلمات معينات ،، والوكيلات وراء هالمديره لو تقول ولا الضالين ردوا ورآها آمين يعني بالمختصر الشور شورك يا يبه والرأي رأيك يا يبه ،، ولا يعرفون التعامل ما غير يكتبن ويركض وقعي يا فلانه ووقعي يا فلنتانه ما ادري وشلون طلعوا وكيلات
رابعا ً: المديرة تبي المعلمات يتذللون لها ويترجونها علشان تمارس عليهم جنون السلطة ،، علشان كذا حارمتهم من الاضطراري والاستئذان ،، ما تدري أن دعوة المظلوم ما بينها وبين الله حجاب وان سهام الليل لا تخطئ ولكن لها أمد وللامد انقضاء ،، وان الله يقول في حديث قدسي ( لانصرنك ولو بعد حين ) ،، على بالها بتعمر العمر كله مديره ما تدري أن لو دامت لغيرك ما اتصلت إليك ،، طال العمر وإلا قصر بيجي غيرها مديره .
خامسا ً: إذا كان رب البيت بالدف ضاربُ. فشيمة أهل البيت الرقص ،، أكيد أنها راح تميز فصل بنتها وتخلي طلباته مجابه لكن كل شئ مسجل ومدون عند الله والله لا يحللها ولا يبحها وحسبنا الله ونعم الوكيل عليها .
سادسا ً : بالنسبة للمعلمات اللي يراعون بنتها رغم أخطائها أقول لهن أتقن الله لا المديرة ولا بنتها بتنفعكم يوم القيامة وكل شئ مكتوب عند الله في كتاب لا يغادر صغيرة ولا كبيره إلا أحصاها ،، وش راح يكون ردك على يوم القيامة تبين تقولين : يالله خفت من المديرة ما خفت منك ،، لا حول ولا قوة إلا بالله .
سابعاً : بالنسبة للمعلمات اللي تختارهم المديرة عمداً للمراقبة على لجنة بنتها انتي قادرة الحين يا ترى فيما لو قبلت بنتك اللي تعتبر شهاداتها كلها بالغش والكذب الجامعه أو الكلية بتوفرين لها مراقبات خاصات بلجنة خاصة ؟! اتقي الله انتي ممكن تنامين بفراشك وممكن تنامين بقبرك ؟! ،، الرسول قال : كلكم راعٍ وكلام مسئول عن رعيته ،،
ثامنا ً: أخي وحيد الزمان ما كذبت بأي كلمة قلتها وأنا أضفت الباقي ،، ونقول يمكن هالتوجيه يتحرك ويشوف مطالب المعلمات والطالبات وإلا يبقى الحال كما هو عليه وعلى المتضرر اللجوء إلى الله لذا ارجوا من الله العلي القدير أن ينهي كل ظالم على وجهه الأرض وان يسخر لامته عباده الصالحين من الرجال والنساء انه ولي ذلك والقادر عليه ..