اقتباس المشاركة الأصلية كتبت بواسطة ابومقرن االه يعينك على التعب والمراجعه انا سبق وقدمت في تاريخ 3/1/1433 والمعامله لازالت تمشي على البيض عموما طريقه المعامله لك يمكن اسهل عليك الا اذا كنت متزوج وعندك عيال من زوجتك الاجنبيه وانت باقي ما اخذت موافقه بذلك عموما بوضح لك الطريقه انا متزوج من الخارج والحمدلله عندي ولد اللحين المعامله طريقتها تقدم معروضك للامير وتاخذ عليها رقم وبعدين تحال الى امارة المنطقه الي انت فيها وتطلع من الاماره الى قسم الشرطه للبحث عنك وتراجعها في الشرطه ومن بعد تكتب ورقه بالشرطه بالكلام هذا (( سعادة مدير شرطه منطقه الرياض قسم الامارة تحيع طيبه يرجى التكرم باعادة المعامله الى مقام امارة الرياض لاستكمال الاجراءات ) وبعدها تحول الى الحقوق الخاصه قسم استقبال طلبات الزواج (((( لاحظ اني اتكلم عن الي تزوج بدون موافقه مسبقه )))) وهناك بتواجه العقبات بتدقيق المعامله وبتيقابلوك بالرفض بسبب السن ولكن يبيلك واو قوي وتطلع من الامارة الى الشرطه وتراجعها مرة ثانية وبعدين تحول من الشرطه وتكتب معروض ثاني تطلب فيه انك تحيلها الى قسم الشرطه القريب منك وبعدها تحقيق جنائي عنك بالاضافه الى التبصيم واذا ربي كتب لك وعرف احد فيها يضبطك ويعلمك وش تقول ولازم تستكمل كل الاوراق بالشرطه وبعدها ترجع لسرطه الاماره وبعدين تحول الى الداخليه وبالداخليه تستكمل بعض الاجراءات وتحول الى الخارجيه انا وصلت اللحين الى التحقيق الجنائي باقي ماعديت منها عموما نصيحه واحد متبهذل بالموضوع وانا لدي سبب قوي للزواج من الخارج وهذا الي قوبلت فيه اذا ببتزوج تزوج وجبها على كفاله ابوك وقدم انك تبي تتزوجها قبل لايجيك عيال لان النظام يسمح لمن عمره 25 وفوق بالزواج من اجنبية مقيمة وبكذا تتيسر امورك افضل من المطارد ورا القلق والغثا ولا انكر وردا على بعض ان اهلها يجون ومدري ايش انا عن نفسي ماتزوجت من اجنبيه الا انا دارس الموضوع من كل النواحي لدرجه ان كان شرط من شروطي تكون وحيده امها وابوها والحمدلله لقيت يتيمه الاب ووحيده (((( تفتك من وجع الراس كل سنه سفريه بس جب امها وقت النفاس وريح راسك ))) احسب ل30 سنه قدام ان عيالك بيتخلطون يعال خالتهم وخوالهم فا انت في غنى عن الشي هذا اذا اخذت لك وحده وحيده افضل لك لانك بتكون الوحيد وانت حبل النجاه لك ولا راح ترفع ضغط وتزعجك بقلقها أشكرك من الأعماق اخي العزيز ابومقرن على هذه التوضيحات والإضافة للموضوع.. ونسأل الله أن يفرج لك عاجلا غير آجل ورقة الموافقة يااااااااااااااااارب.. ولما تشوف مصيبة غيرك تهون عليك مصيبتك.. بالفعل إجراءات معقده وقاسية الغرض من ذلك حتى يلتزم الجميع بالأجراءات لحكومية والشروط لأن هناك من السعوديين من يتزوج إجنبية بغرض المتعه وكثيرات قد تطلقن بسبب هذه الطريقة والنيه والبعض الآخر من تزوج من أجنبية وبدون موافقة فمن ثم واجه صعوبة في الحصول على موافقة زواج فترك أبنائه وزوجته فمن ثم ذهب تشتكي إلى السفارة السعودية ولهذا تجد هذه العقوبات والتعقيدات ليلتزم الجميع بالشروط.. أنا عن نفسي الكثير قالوا لي أذهب وبحث عن زوجه قبل أن تحصل على موافقة لكن رفضة ذلك خوفا أن لا أحصل على موافقة زواج وأتعلق بمن أودالأرتباط بها لكن أن أسير من النظام أفضل حتى لا أظلم نفسي وأظلم معي بنت الناس والحمد لله منحني الله هذه الموافقة.. ونسأل الله لك كذلك لك كل الأحترام والتقدير..