[مشبب البشري]

[poem=font=",6,,normal,normal" bkcolor="transparent" bkimage="" border="ridge,4," type=2 line=0 align=center use=ex num="0,black""]
اللـي سبقنـا بالتجـارب ولامـثـال=ياصـل لنـا علمـه ولاهـي غريبـه
كـم واحـدٍ غثـه زمـانـه ولا زال=وكـم واحـدٍ الوقـت قضـى نحيبـه
وكم واحدٍ حظه يسابقـه فـي الحـال=وكم واحدٍ حظه جلـب لـه أمصيبـه
احدٍ رقـا حظـه علـى عـز وافعـال=الله رزقـه وزايـد الـرزق طيـبـه
ضيفه ليا من جاه مـا عنـه يحتـال=ولاحـرص اعيالـه لكـذبٍ وغيبـه
يضحك حجاجه لا لفا الضيف في الحال=فـي مجلسـه بنـه وتمـره وطيبـه
اول بشايـر ضيفـه يقـول ذا فـال=وعقالكـم يـا ضيـف والله نجيـبـه
انشهـد انـه معـرب الجـد والخـال=ياحـي منهـو منـه ياحـي شيبـه
واحدٍ رقا حظه علـى جمـع الامـوال=لكـن فقـره صـاب قلبـه وجيـبـه
وش ينبغا به لقبل الوقـت ثـم مـال=عبـاد مـال ويحسـب المـال هيبـه
ما يدرى ان المرجلـه وقفـة ارجـال=والمـال مـن غيـر قريـب بقريبـه
يلي حرمت النفس من سبـت اريـال=العمـر قفـى والمنـايـا تصيـبـه[/poem]