التعريف بالفن والادوات اللازمة للعمل
مساء الخير اخواتي
ارتايت ان يكون الدرس نبذة عن العمل الفني هكذا نتعرفو عليه اكثر
وكذلك تعداد للادوات اللازمة للعمل هكا باه نحضروها ونهار تبدا الدروس التطبيقية نلقاو رواحنا واجدين
بسم الله و على بركة الله نبدا
فن التطريز بشرائط الساتان
هو احد انواع التطريز ما يعرف باشغال الابرة تستعمل فيه شرائط الساتان او ما يعرف عندنا بالدبلة او الحاشية يدخل في عدة اعمال فنية كالكوفروليات والمخاد وهو مستعمل بكثرة في التزيين لانو يضفي جمال على قطع القماش سواء كنت موجهة للبس او التفريش و غيرها
و كامثلة على هاذ الفن اترككن مع بعض المختارات
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
اكيد هذه بعض الامثلة والفن له عدة استعمالات و كل اخت تقدر تبدع فيه بطريقتها الخاصة
اكيد زدتو حبيتوه اكثر بعد الاعمال لي شفتوها سواء على الانترنت او في حياتكم اليومية في المحلات او عند الخياطات
انا عن نفسي طار عقلي بيه
لا علينا
اكيد الان كل اخت تتساءل عن الادوات لي لازمينها باه تقدر تتحفنا بمثل هذه الاعمال
راح نبدا في تعداد الادوات الاكثر اهمية
هذه الادوات
إضغط هنا لرؤية الصورة بحجمها الطبيعي.
اولا القماش والمقص
عادة ما نستعمل القماش الذي تكون خيوطه متاباعدة او سهلة التباعد هكا باه نقدرو ندخلو الابرة
انا عن نفسي نستعمل البوبلين
او الميتيس ماتنساوش المقص باه نقصو بيه القطعة لي نحبو نخدمو فوقها
إضغط هنا لرؤية الصورة بحجمها الطبيعي.
ثانيا شرائط الساتان او ما يعرف بالدبلة او الحاشية
عندها الوان عديدة اختاري منها ما يناسب ذوقك حاولي تختاري افضل نوع
الشرائط ايضا تختلف مقاساتها وتتغير من 0.5 سم الى حتى 5 سم و نحن نستعمل الشرائط التي تناسب نوع العمل الذي نقوم به
إضغط هنا لرؤية الصورة بحجمها الطبيعي.
ثالثا الابرة
نحتاج الى ابرة تكون فتحتها واسعة باه نقدرو نفوتو منها الشرائط
وقولي للبائع الابرة الكوبرا بيها لدبلة
إضغط هنا لرؤية الصورة بحجمها الطبيعي.
رابعا القرقاف او ما يعرف بالطارة
باه نشدو بيه القماش وفيه عدة احجام
صغير متوسط وكبير
انا اخترت المتوسط
إضغط هنا لرؤية الصورة بحجمها الطبيعي.
هذه كانت اهم الادوات
لكن هناك حاجات اخرين لازم يكونو عندنا
مثل ولاعة نحتاجوها في حرق حواف الدبلة لكي لا تفتح معانا
ابرة وخيط اوقات نحتاجو لنخيط بيها بعض الازهار ويكون من نفس لون الدبلة المستعملة
خيط خشين تانا نحتاجوه
إضغط هنا لرؤية الصورة بحجمها الطبيعي.
القليل من العقاش والسمسم نزينو بيه بعض الورود
إضغط هنا لرؤية الصورة بحجمها الطبيعي.
واكيد ماننساوش علبة نجمعو فيها ادواتنا
إضغط هنا لرؤية الصورة بحجمها الطبيعي.
هذه اهم الادوات
نتمنى انكم استفدتم معي و عرفتو اغلب الادوات
حاولو تامنوها في اقرب وقت باه نبداو الدروس التطبيقية
ساترك لكن المجال مدة اسبوع لتامين الادوات وان شاء الله الاسبوع المقبل يوضع اول درس تطبيقي
اتركن في امان الله واي استفسار راني موجودة هنا
إضغط هنا لرؤية الصورة بحجمها الطبيعي.
