[COLOR="Blue"][QUOTE=بدر الضبعان][CENTER][SIZE="5"]
[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ودعت حايل وكل أرض ٍ شماليه=مستقبلي حدّني عنها ومشّاني
ودعت حايل شماليه وقبليه=ودعت( شمر )( بعدحيي) وحياني
(أرض الجبل)والله انه ماخلق زيّه=والله مامثلها ياناس شي ثاني
ماهزني غير دمع ٍيطري الجيّه=(أمي)و(أبوي)و(دموع أهلي)و(خلاّني)
أشتقت ل(أمي)أشوفه كل عصريّه=بالباب تاقف تحرّى رجعة أخواني
أشتقت لدْلال ( أبوي)الله ياهيّه=(ابو بدر) مزبن المضيوم والعاني
أشتقت(لخواني الخمس)الشقرديّه=أشتقت لعيال حارتنا وجيراني
أشتقت (لجبال حايل) كل فجريّه=من قبل لايصدح المذّن بالآذاني
والله يا أرض حايل كل شتويّه=تسوى ربيع الجزاير وأرض لبناني
الله ياهمي كنّه جمرة ٍحيّه=أخفي دموعي.وحر الشوق بكّاني
يادار حاتم ترى لو طالت الجيّه=والله لرجع وانا مشتاق ولهاني
ودعت حايل..وكل أرض ٍ شماليّه=لكن أبرجع لها لوعمري أمداني[/poem]
هلا وغلا ياقلبي انت يابدر عزالله انك جبتها عالجرح . . .
صح الله لسااااانك مليووووون ولا يكفوووون . . .
وعزالله ان حايل فراقه صعب بالحيل . . .
لا تحرمنا من جديدك يا بناخي ويا هلا بك ويا مرحبا بك بيننا . . .