بسم الله الرحمن الرحيم
السلام عليكم ورحمة الله وبركاته
القصيده رداُ على سؤال من صديق له مقرب
وين ذكرياتك يابو غازي
وهو : مبارك ابن جابر المحيميد السهلي
ذكرياتي كلها داخل شناطي & فتشوها كان تبغون الحقيقه
كان ارتبها فلا شك ارتباطي & بالعمل ماضل من وقتي دقيقه
اجتمع عندي رصيد من اختلاطي & من كثر ماعشت في وسط الخليقه
شفت زين وشفت شين وشفت واطي & وكل شخص له مفاهيم وطريقه
عشت في دنيا بحـر بلا شواطي & كلها تنبيك ببحور عميقه
مثل من يكتب حروف بلا نقاطي & وضاع مفهومه بالاوراق العتيقه
انتهى المشوار ماعندي نشاطي & ما يحمل الشخص شيً مايطيقه
واخرتها فقر وفراشي بساطي & مابقالي لاصديق ولاصديقه
الشاعر سعود بن غازي السهلي رحمه الله
يتبع...
بسم الله الرحمن الرحيم
السلام عليكم ورحمة الله وبركاته
فقدت أيام راحت من حياتي ..... بـقا بـالقلب منها ذكرياتــي
يشـاغلني خيالـه كل ساعـه ..... علـى عهده وهو ضيع وصاتـي
غناتـي بالحياة وراس مالـي ...... تمنيـته علـى طول اللـيالــي
يقابلنـي وينظر في حوالـي ..... ولالـي عنه في الدنيا غناتــي
أضيع كل وقتـي بالتّمنّــي ...... هـواجيسٍ بقلـبـي يشغلنــّي
أفكر فيـه كنه صار منــي ....... بشوفـي والعيون السـاهراتي
أنـادي كل من كلمت باسمه ...... وأشوف بكل شـيٍ زين رسمه
يشوقنـي لـشوفه كل نسمــه ...... وهي قصدي وهي غاية شفاتي
تجنبـت السهل واخترت دربـه ...... مقيـمٍ له علـى درب المحبـه
و لا تحلـى الحيـاه إلا بقـربـه ...... و لا حسيـت للـدنيـا طراتـي
شرتنـي بالمزاد بدون قيمـه ...... وهي باحوال من تملك عليمـه
رظينـا حكمها وهي الخصيـمه ...... عساي أطلع من الحكم ببراتي
تجاهـل كل حبي والصداقــه ...... وينذرنـي علـى قطع العلاقـه
عطانـي بعد تعذيبي بطـاقـه ...... عليهـا كتب ممنوعٍ بتـاتــي
يتبع..
الشاعر المرحوم ::: ســعود بن غازي الســهــلـي
بسم الله الرحمن الرحيم
السلام عليكم ورحمة الله وبركاته
فقدت أيام راحت من حياتي ..... بـقا بـالقلب منها ذكرياتــي
يشـاغلني خيالـه كل ساعـه ..... علـى عهده وهو ضيع وصاتـي
غناتـي بالحياة وراس مالـي ...... تمنيـته علـى طول اللـيالــي
يقابلنـي وينظر في حوالـي ..... ولالـي عنه في الدنيا غناتــي
أضيع كل وقتـي بالتّمنّــي ...... هـواجيسٍ بقلـبـي يشغلنــّي
أفكر فيـه كنه صار منــي ....... بشوفـي والعيون السـاهراتي
أنـادي كل من كلمت باسمه ...... وأشوف بكل شـيٍ زين رسمه
يشوقنـي لـشوفه كل نسمــه ...... وهي قصدي وهي غاية شفاتي
تجنبـت السهل واخترت دربـه ...... مقيـمٍ له علـى درب المحبـه
و لا تحلـى الحيـاه إلا بقـربـه ...... و لا حسيـت للـدنيـا طراتـي
شرتنـي بالمزاد بدون قيمـه ...... وهي باحوال من تملك عليمـه
رظينـا حكمها وهي الخصيـمه ...... عساي أطلع من الحكم ببراتي
تجاهـل كل حبي والصداقــه ...... وينذرنـي علـى قطع العلاقـه
عطانـي بعد تعذيبي بطـاقـه ...... عليهـا كتب ممنوعٍ بتـاتــي
الشاعر المرحوم ::: ســعود بن غازي الســهــلـي
يتبع..
هذي القصيده للشاعر سعود بن غازي ( رحمه الله) كتبها
في المرحوم محمد بن هباس العبيد السهلي ( ابوسعد ) فالكويت وهي قديمه جداً.
معنى كلامك يامحمد على الراس -- عساك دايم قدمنا بالمكاني
ياعيدهم لاهب بردً ونسناس -- سعد الضعيف الي من البعد عاني
من طب بيته ماتحرى بالافلاس -- غير العطيه خاطره مرحباني
ابو سعد طيبه قديماً على ساس -- ماحسب التجرات والعمر فاني
عسى الولي يحييك ويجيرك الباس -- شرواك ماتخفى عليه المعاني
في مجلسك لاجيت للكيف محماس -- من غير حط الكيف حيلً سماني
وسلامتكم
الشاعر :سعود السهلي
( أبو غازي )
رحمه الله
يتبع...
قصيدة الشاعر مرزوق بن عبد العالي العتيبي ،
عندما زارنا في مدينة عنيزة قادماُ من الكويت بعد الازمه .
جيت ابو غازي يوم الليل هود -- متعبين ركابنا للي نحبه
أسهليً في عراوي الطيب جود -- في طريق المرجله مشاه ربه
فرد الشاعر: سعود بن غازي - رحمه الله-
يابوطارق روح لاتبطي وعود -- شاقني خط القلم واللي كتبه
يبن عبد العال من معناك زود -- يوم زانت والهوى ذعذع مهبه
دارسً نظم القوافي ومتعود -- زايدً عرفك عن المقياس حبه
في بلدنا سوق لامثالك يفود -- من جلب في سوقنا لازم يطبه
يبذل المجهود عن بيض وسود -- وفي رجاء الله يزرع الفلاح حبه
يتبع
كذبت نفسي يوم شفته قبالي ... هو حلم وإلا شفت خلي حقـــــيـقه
كنى بـحلم من حلوم اللــــيالي ... يا لــيت حلمي زا د وقـته د قيقــــه
وجدت نفسي عقب حلمي لحالي ... وصاب الحشى والروح والقلب ضيقه
ودي نـطول بس مـابــه مجـــالي ... ولا وجـد نــا للـسوالـف طريــــقه
وأ هديـــتله جسم من القلب خــالي ... هـــديـةٍ من الـصديق لصد يـــقه
هـديـة لـك يـا شــــبيه الـغزالي .... يا من حوى كــل المعاني الرقــــيقه
للمــرحوم بــأذن اللــه
الشاعر:::: ســـعود الســـهـلي
(( أبو غازي ))
يتبع...
هذي القصيدة من الشاعر سعود بن غازي السهلي - رحمه الله -
ردً على الشاعر والمحرر في مجلة مراءة الامة الكويتية
، ناشي الحربي ، بتاريخ 19 -9-1975م
يابو مشعل نشكرك شكرً جزيل -- يوم وجهت القصيده والسؤال
نشتكي من حب ابو خصر نحيل -- ما حصلك منه هجر ولا وصال
ليت لي في البرق والهاتف عميل -- أو لنا مع صاحب الشأن أتصال
كان احاول كل شيً مستحيل -- كان ينفع فيه حيله واحتيال
صفر واحد مالنا معهم زميل -- والشكاوي ما يردون السؤال
لاتبوح السر في قولً وقيل -- أطلب الموجود لاتطلب محال
عن كثير الحب يكفيك القليل -- لاتحط الحب عندك راس مال
كم زرعنا زرع مانجني حصيل -- والبذور تطير مع ريح الشمال
المحبه والهوى حملً ثقيل -- انت تعلم بس نضرب لك مثال
استعن بالله والصبر الجميل -- وعن حلال الناس يكفيك الحلال
وسلامتكمـ
يتبع...
بعض العرب مــايستحق التفاتي = لو كان ياقفلي على الدرب صديت
حيث أن صفاته ماتناسب صفاتي = يرتاع منه القـلب لـولاي سميت
وبعض العرب شوفه يساوي حياتي = لامن طرالي في حلا النوم فزيت
الله لايقطع رجــاي وشـــفاتي = هي شمعة الديره وشمعة هل البيت
تكفون يمه من يودي وصاتي = ويقول له عن غيبته ليش ماجيت
أطــول حبالي دونها قاصراتي = ولاجت لي الدنيا على ماتمنيت
طــال أنتظاري ماحصلي بـراتي = وكل المماليك أعتقوهم وأنا أبطيت
محدن صبر صبري وسوا سواتي = عشرين عام أطلب بدين ماوفيت
وسلامتكم
الشاعر :سعود ابن غازي السهلي الله يغفرله
يتبع....