[سامي الشمري]

السلام عليكم ورحمة الله وبركاته





قصة الشاعرة عابرة سبيل وقد أقام لها أهلها عندما خرجت من المستشفي احتفال ذُبحت فيه الخراف وقد كانت تعلم بمرضها وتحّس بدنو اجلها, وقد وجّهت هذه القصيدة لزوجها

وصية الشاعرة عابرة سبيل

[poem=font="Simplified Arabic,5,red,bold,normal" bkcolor="transparent" bkimage="" border="groove,7,red" type=1 line=0 align=center use=ex num="0,black"]
ترى الذبايح وأهلها ما تسليني =أنا ادري أن المرض لا يمكن علاجه

ادري تبي راحتي لا يبعد عيني =حرام ما قصرت إيديك في حاجه

خذها وصاية وأمانة لا تبكيني =لو كان لي خاطر ما ودي إزعاجه

أبيك في يدك تشهدنى وتسقيني =أمانتك لا يجي جسمي بثلاجــه

لف الكفن في يديك وخل رجلينى =ما غيرك كشف حسناه وإحراجـه

أبيك بالخير تذكرني وتطريني =يجيرنى خالقك من نار وهاجـــــــــه

سامح على ما جرا بينك وما بينى =أيام نمشي عدل وأيام منعاجـه

إعيالي همي وأنا اللي في يكفيني =علمهم الدين تفسيره ومنهاجـه [/poem]

هذه القصيدة للشاعرة المتوفاة قبل ثلاث سنوات

-

وهـــــذا رد زوجـهــا :

[poem=font="Simplified Arabic,5,red,bold,normal" bkcolor="transparent" bkimage="" border="groove,7,red" type=1 line=0 align=center use=ex num="0,black"]
حاولت انام وحاربت عيني النوم=وجريت صوت مثل صوت الذيابـه

الجفن كنه صار ضايق ومهزوم =ودموع عيني مثـل رس السحابـه

على وليف قالـو اليـوم مرحـوم =فـارق وراح وماتهنـا بشبابـه

زرت القبور اللي على بعضها رسوم=وخطيت رسم فوق ذيك النصابه

قلبي من الدنيا عليـه مرسـوم= والرسـم تـوه عقـب خـط الكتابـه

احبها مير القـدر صـار مقسـوم= ويحبهـا كـل الأهــل والقرابـــــة

الموت أخذها وأودع القلب مكلوم=جرح عميـق مايـداوي صوابـه

الموت اخذ شجعان وارخوم واقروم= واخذ رسول الله وباقي الصحابه [/poem]
**********


أقسـم بالله العظيـم

أننـي أحزن على بعض القصـايد

و لكن ,

لم تنزل دمعتي في يوم .

إلا لـ هذه الأبيــات !!


رحمهـا الله ,


فـ رحيـلها وضع نقطـة سوداء في الساحه الشعريـة


عابرة سبيـل

إلى الآن لم تظـهـر شـاعـرة بمستواهـا !!


تحياتـي لـكم