جزى الله الشيخ خير الجزاء
لدى ثلاث رؤى تدور حول شيء واحد وهو رؤيتي لوسادة النوم
ارى هذه الرؤى مرة واحدة في السنة يعني كل سنة ارى هذه الرؤيا
وبدات اراها تقريبا من ثلاث سنوات ...
الرؤيا الاولى
ارى في حوش بيت جدي بالدمام اسير وماسكة مخدتي ويمشي وراء المخدة قطتان سوداويتين ولما شفتهم يمشون وراي اشرت لهم على نار مستديرة يشبه عين الفرن كبيرة حجمها نوعا ما واقلهم نار نار وقالولي " والله ؟؟ " عقب ماقلتلهم كذا فروا مني ..
الرؤيا الثانية
كنت في كليتي بجدة امشي وماسكة المخدة الا ووحدة من البنات لابسة عباية زي عبايتي وماسكة مصحف وهيئتها كهيئتي وجت مقبلة تكح على المخدة واشوف رذاذ الكحة طالعة منها ...
الرؤيا الثالثة اللي شفتها العام الماضي
كأني في المطبخ ببيتنا بجدة وماسكة المخدة ونصها مكشوف وخفيف اخف من نصها الثاني على طاولة المطبخ واخذتها وانا طالعة من المطبخ اشوف مجموعة اظاهر والله اعلم انهم اشخاص من " بسم الله "وبينهم وحدة كانت تمثل ساحرة في مسلسل من المسلسلات
وانا ماشية في الممر الا وانا انشد وابكي اقول " حسبنا الله ونعم والوكيل "
وحتى اللي حولي يرددون زيي حسبنا الله ونعم الوكيل ...
شيخنا الفاضل لي كم سنة تعبانة ومصدودة عن اهلي بس احاول اتغلب واجلس معاهم وما ودي ابين لهم شي الفترات الاخيرة لان اخوي مريض بورم اجارنا الله واياكم منها وما ودي احسسهم بشيء فيني
العمرة في رمضان لي تقريبا 3سنوات ارجع منها وانا اطفش اهلي من دوخة تصير براسي حتى احيانا اجلس عشان ما يصير فيني اغماء العمرة الماضية اخرت اهلي عن العودة عشان هذي الدوخة
الحمدلله القرآن اقرأه بس اكثر من دقيقة ماقدر اكمل احيانا
اهلي اذا تكلموا عن اي امر من امور الدين يضيق صدري واحاول اطلع من المجلس وبالذات وقت المغرب هذا اكره وقت عندي مدري ليش ؟؟؟
وكذلك المحاضرات عشر دقايق ومدري الا والاقي نفسي قفلته...
لي شهرين التزمت بسماع الرقية الشرعية بتتابع وبدون انقطاع عكس السنين الماضية كنت اقرأها او اسمعها على فترات متقطعة واوراد الذكر الحمدلله اتحصن بها .....آسفة طولتها عليكم ... اتمنى من الله ان يرزقني صبر برضا ويقين بالفرج من عنده " إن الله يحب الصابرين"