[سند مطر]

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كانك يبو خالد تبي مني جديد = فالجرح ,, عنواني ولامنه مفر
شاعر ,, مياديني على حلو القصيد = وان غبت عنك شعري الشامخ حضر
أسعى على الدر الثمين اللي يفيد = كم خاطرن من قول شعري منجبر
لـكـن ,, حزين وعيشتي كني وحيد = كم مرتن آخذ من الدنيا عبر
ياساحة الأوهام ,, يالجرح العنيد = متى تبي تبرى جروحي وانتصر
يامدعي ,, ياللي تقول انك زهيد = راحت ,,زهور العمر ,, مليت انتظر
تركتني ,, وانا مكبل بالحديد = واقفيت عني واطلبك لد النظر
رجـلن قناعه يظهره بأنه سعيد = ياللأسف كانت كواليسه غدر
قالوا ,, ترى هذا يسمى لك عضيد = وهو ترى ماينفعك ,,, وقت العسر
يـاحزن,, قلبي ضاع بي راين سديد = واثري ,, قطفت الشوك ,, وابغالي ثمر
صدق المشاعر ,, يوم صارت ماتفيد = ماعاد انا قابل لخلاني عذر
شاط الجروح الموجعه ماذا تريد = ضاع الأمر مثل البحر مدً وجزر
ياطير ,, راح الصيد ماتقدر تصيد = مجروح ماتقدر جناحك منكسر
كنك تقول اني ترى ماني بليد = بالله برقعني ترى مبغى البصر
صديت قاصد من ملاقاة العديد = يا علني ماشوف شيً وانبهر
كانك يبو خالد تبي مني مزيد = ولا كفاك اللي سمعته من شعر
عاد الجديد اللي ترى ماهو جديد = تبقى تضل تعيش عشقي لسفر
[/poem]