المناسبة: ابيات أسندها حمد الدليهي للشاعر حمد السحيمي القحطاني مؤسس مجموعة النداوية الشعبية و كان الدليهي يعمل في ساسرف بالجبيل ويداوم من الخفجي ومتولياً مهام إدارة موقع النداوي وافتقد تواجد الشاعر هادي بن عسكر والشاعر سعيد بن مقبل الأكلبي وهما من ضمن طاقم إدارة الموقع وأكتشف سبب هذا الغياب بأنهم ذهبوا للسياحة وأتى الأسناد للسحيمي من باب المداعبة والطرافه ..
يالسحيمي راح ابومقبل وابن عسكر سياحه
مادريـنـا هــم شمـالـي نـجـد والا مـــن جـنـوبـه
سـافــروا ماعلـمـونـا يــــوم راحــــوا بـالـصـراحـه
والخلـيـج الـعـام هــذا ســاد صيـفـه بالـرطـوبـه
وانـت مـن بيـن الـدوام وبيـن عمـال الفـلاحـه
المكاسـب معـك نوبـه والخسـايـر مـعـك نـوبـه
والا انـا فــي عــام كـامـل ماتوقـفـت استـراحـه
العمـل وسـط الجبيـل ومسكنـي بعـده عقـوبـه
الشبـح مـن تحـت رجلـي ماخذالـه يـوم راحــه
مـن ضواحـي ساحـل الخفجـي يمترهـا دروبـه
ليتنـي طيـرٍ ليامـن ضـاق يكفـخ فــي جنـاحـه
كان احلق للفضـاء والقـاع لـه نـاسٍ مشوبـه
رد - حمد السحيمي
الشـلـي لاغــاب يفـقـد يالدليـهـي فـــي مَـراحــه
وابن عسكر وابن مقبل قلبي الأقشر غدوبه
واحــدن منـهـم يـفـرّح لـــه ولـيــدٍ فـــي نـجـاحـه
يطـلـب الله ثــم تـوجـه صــوب مـكــه للمـثـوبـه
اما الآخر رافق أصحاب الفضيله والسماحـه
غيبته تحسب والا جاء جيته والله محسوبـه
الله انـــه يـحـفـظ الأثـنـيـن كـلّــن فـــي مــراحــه
وانــت لا تبـلـش عـبــاد الله والـغـايـب دروبـــه
بــاقــي ايــــامٍ قـلـيـلـه تـنـتـشـي نـفـحــه قــراحـــه
قــرب سهـيـل اليمـانـي يالدليـهـي فــي هبـوبـه
وانـت حاديـك الـدوام ومزهـبـك خــرجٍ وسـاحـه
تحتلـب لــك سالـفـه والسالـفـه جـتـك محلـوبـه
رد - سعيد مقبل الأكلبي
شاقني برقٍ على المشْرق ويسعـد لـي صباحـه
لابــدت شمـسـه وعسّـاسـه تـفـاول مــن شـروبــه
واهنـي مـن صبّحـه فالصبـح يشْـرب مـن قـراحـه
ويـتــروّى مـــن قـــراح الـمــا ويــبْــرد بــــه جـنـوبــه
ربعـنـا يالـلـي عـلـى السـاحـل ولا رحـتـوا سـيـاحـه
اطـلـبــوا مــــن ربــكــم جــــزل الـعـطـايــا والـمـثـوبــه
ان شكـيـتـوا مــاحــدٍ لعـيـونـكـم مـضْـهِــر ســلاحــه
وان بكيتـوا مانقـص جــمْ السـوانـي مــن غْـروبـه
الــفُـــرص قــدّامــكــم يـاصـحـابـنــا دايــــــم مــتــاحــه
بعْضـكـم حـتـى الــوزاره لــو بغـاهـا جــات صـوبــه
وبعْـضـكـم حــتــى بـطـاقـاتـه تـسـهّــل لــــه مــرَاحــه
وبعْـضـكـم حـتــى مـعـازيـب الـقـبـايـل رحّــبــوا بــــه
وبعْضكم ماعاد ندْري ويش ضحْكه من صياحه
مــن كـثُـر ماخـطـط حــدود المنـاطـق بـــاح ثـوبــه
والا انـــــا مـانــيــب دكــتـــور الـعـنـايــه والـجــراحــه
عـسـكــري حــتــى الاجــــازه مـاتـجـيـه الا عـقـوبــه
مـــن دخـــل فالعسـكـريـه مـالـقـا لــــه يــــوم راحــــه
ان تضـايـق سـنّـدوا بــه وان تـشـالا فيّـضـوا بـــه
رحـــت اضـيّــع راتـبــي لا ضـيّــع الـواحــد كـفـاحـه
راعــي الـديـره لاجـــا الـديــره تـبــرّى مـــن جـيـوبـه
وانتهـى المشـوار ياصـحـاب المعـالـي والسمـاحـه
ومـابــه مـصـلّـي صـــلاه الا يـبــي تـغْـفَـر ذنــوبــه
*************
ممنوع الدخول
هذي ابيات اسندها حمد الدليهي للشاعر سعيد مقبل الأكلبي
وقّـفْ لاتقراهـا القصيـده قلـت ممـنـوع الـدخـول
ماشفـت عنـوان القصـيـده يــوم تـدخـل ياسعـيـد
يالأكلبـي ياسعيـد بـنّْ مقبـل وابـي مـنّـك حـلـول
ياطيـر شلـوى ياوسيـع العـرّفْ والــراي السـديـد
شيخ المعاني والجزاله بالقصايـد عـرض طـول
من قبْلهنّْ شيخ المراجل من قبل بدع القصيد
ماهـي غريبـه مـن بنـي أكّْلـب كبيريـن الفـعـول
المـجـد بالعـصـر القـريّـبْ قبـلـه العـصـر البـعـيـد
انـــا بـخـيـر ومابـغـيـتـك فــــي مـهـمـاتـي رســــول
ولّـيّـا بغيـتـك يشـهـد الله كـفـو لــك فـعــلٍ مـجـيـد
القسـم مستطـرف وانـا بالشعـر مـانـي بمـعـزول
مــن ويــن ماوجـهـتْ تلقـالـي يابومقـبـل رصـيــد
الـبـارحــه حـلـمــت حــلــمٍ مــنْــه تـهـتــال الـعـقــول
فسّر لـي الحلـم المهـوّل وانـت تفسيـرك يصيـد
جانـي غـلامٍ فـي منامـي والقـمـر مـعْـه محـمـول
قـــال الـفـتـى هـــذا هـديــه والـقـمـر نــــوره يــزيــد
راح وبـعــد مـــاراح جـانــي شـايــبٍ كـلــه ذهــــول
الــوجــه مــــاداره حــــلا واظــــنّْ شـيـطــانٍ مــريـــد
حاول علـى سـرق الهديـه وانتباهـي لـه يحـول
وانـــا ترافـقـنـي فـراســه والـذكــاء فـيـنـي عـضـيـد
الـنــوم سـلـطـان الأوادم وانـتـهــى لـيـلــي نــــزول
الـلـيـل راح ومـعْــهْ حـلـمـي وابــتــدا يــــومٍ جــديــد
يالأكلـبـي وانــا اتـحـرى فــي ردودك وش تـقـول
عـن شايـبٍ شكلـه حـرامـي والفـتـى فعـلـه فـريـد
رد- سعيد مقبل الأكلبي قائلاَ
يــامــرحــبــا يــابــوســعــد تــرحــيــبــةٍ فــــعــــلٍ وقـــــــــول
ترحـيـبـةٍ تـرضــي جـنـابــك لــيــن تـسـتـانـس سـعـيــد
يالشاعر اللي تطْرق القاف الصَعَبْ منت بخجول
تـاقــف عـلــى قـمــة جـبــال حـروفـهـا ريّـــس وسـيــد
سـجّـلـت مـوضـوعــك وعـنـونـتـه بـمـمـنـوع الــدخــول
وانـــــا دخـلــتــه داري انّـــــك مـاتـجــيــب الا الـمـفــيــد
انـتـوا هــل التـاريـخ واهـــل الـمـجـد وكـبــار الـفـعـول
واهل القنا والسيف واهـل الجيـش والبـاس الشديـد
عـــزوة بـنــي خــالــد لــهــا تــاريــخ لايـمـكــن يــــزول
مــن قـبـل حـتـى يضـهـر الاســلام والـديــن الـرشـيـد
وانـتـه عـلـى اقـسـام الـنـداوي كـلّـهـا بـاعــك يـطــول
عـمـيــد الاقــســام الـنـداويــة لــــو الــوطـــري عـمــيــد
شـاعـر محـنّـك تـجـربـة خـبــرة عـلــى كـــل الـحـقـول
والــقــاف والـمـيـقـاف والاخــــلاق والــذكْـــر الـحـمـيــد
واشــادتـــك يـابـوسـعــد تـــــاجٍ مــرصّـــع لـــــه بـــلـــول
تـاجٍ علـى راس القصيـد وراس مــن قــال القصـيـد
غـمـرتـنـي بـمـصـافـحـة حــرفـــك وشــدّيـــت الــذلـــول
الـلــي تـنـومـس ردْ راعـيـهـا عـلــى سـاعــي الـبـريـد
يـنــزل حـمــام الـــدوح قـــدّام الـنـظـر ويـطـيـر جــــول
وانــــا آتــحــرا وحــــدةٍ تـبــقــا عــلـــى روس الـجــريــد
ويـوم اسجعـت بيـن الجـرايـد قـلـت سـجّـل يـارسـول
اكـتــب كـلامــي واعـتـبـر هـــذا هـــو الــحــل الـوحـيــد
الحـلـم مـاهـو حـلـم يـاراعـي الـكـلام الــذرب طـــوول
هـذي حقيـقـة وانــت عارفـهـا عـسـى عـمـرك مـديـد
الـصـيــف قـافـيــه الـشـتــا والــــورد قـافــيــه الــذبـــول
والـمــا مـــن اليـنـبـوع يـجــري لـيــن يـجـمـد فالـجـلـيـد
سـكـة سـفــر قُـــدم الـبـشـر مـافـيـه عـــاذل ومْـعــذول
واللـي مـع الطُرقـه معـه مـزهـب هــو الـلـي مستفـيـد
والـرحـلـة الـلــي غـــادرت جـــدة وتـعـلــن بـالـوصــول
انـــــا عـلـيـهــا حـــاجـــزٍ حـــجـــزي ولاهــــــو بــالأكــيــد
واقبـل سـلام الشاعـر اللـي كلمتـه حسْـب الاصـول
لاجــــت مـعـانـيـهـا حــديـــد ايــفـــلّ ابــوهـــا بـالـحـديــد
*************
هذه ِ محاورة جرت بين الشاعرين سعيد القير القحطاني وحمد الدليهي في موقع سنام الأدبي ومن المحاورات الشقر وكانت البداية مع سعيد القير ..
سعيد القير
مرحبا يالدليهي بعد ما جيت عاني
في محلٍ يقدر ضيفه اللّي لفا له
المعاني سمينه في سنام المعاني
بشّر الشاعر البيطار بالفُل فاله
حمد الدليهي
البقاء ياسعيد القير والعلـم بانـي
مثل مابان نور الشمس واقبل زواله
انت شاعر وماهر وانت هادم وباني
والنمل من جناحينه سبايب زوالـه
سعيد القير
جيت للصرح واعطيناك كرت ومكاني
أنت حاله ولي نظره وخمسين حالـه
انت في وضعك الموضوع وآنا مكاني
شاعـرٍ شدنـي والله شـدد رحالـه
حمد الدليهي
جيت للصرح وافهم رقم واحد وثاني
وانت فعلك جميل وماجحدنا جمالـه
نفتخربك ونفخر في قطر وابن ثاني
اكبر انجاز والجمال تسبق جمالـه
سعيد القير
انت حاديك شيطانيـتٍ مـن زمانـي
لاتضايق زعيـمٍ قوتـه فـي رجالـه
يالدليهـي تـرا بالزمـك بالمزمانـي
وش بقا لك من المحصول والتمر جاله
حمد الدليهي
في سنام الشعر حالك يابوزيد زانـي
والفضل لله اللي مد راسـك جزالـه
الله اللي نهى عن فعل سارق وزانـي
وانت متهوم والمتهوم ياخذ جزا .. له
سعيد القير
في سنام القوافي شاعرٍ في رهانـي
والله انه عوج والدرب الاعوج غداله
نييتـك نيتيـن كلّهـا تشرهـانـي
ان تعشا العشا له وان تغدا الغدالـه
حمد الدليهي
ليل ياعين والا دان يـادان دانـي
عوّد القير يصفق في يمينه شماله
الخبر شاع صيته بين قاصي وداني
في جنوبي سنام وشاع قالوا شماله
*************
محاورة بين الشاعرين حمد الدليهي وسعيد مقبل الأكلبي
حمد الدليهي
يـاســلام الله ســـلام رجـــال والـنـيـه سـلـيـمـه
من رصيد الشاعر اللي ماختلف نيه ونيه
ابن مقبل صاحبي ماغاب والصحبه قديمه
قـبـل بــرج المملـكـه يبـنـى وبــرج الفيصلـيـه
سعيد مقبل الأكلبي
مرحـبـا يابوسـعـد ترحيـبـةٍ شيـمـه وقيـمـه
للرْجال نسوقها ياصاحبي سـوق المطيّـه
الله اللي ميّز الرْجّـال عـن عقـل البهيمـه
وانت خابرني على يمناك وانْطح كل هيّه
حمد الدليهي
خابرك قصرٍ مشيّد ماانت لوح وماانت خيمه
كــــل مـــــادارت دوالــيـــب الــدهـــر مــزبـــن وفــيـــه
وجـنـتـك بـيـضـا لاشـــك امـــك عـرفـنـاهـا حـلـيـمـه
فـــيـــك عـــلـــه بــيّــنــه والـثــانــيــه عـــلــــه خــفــيـــه
سعيد بن مقبل الأكلبي
سُكْتِـك ياصاحبـي ذلليـل ماهـي مستقيمـه
غيـر ياليتـك تحَمَّـدْ ربْـك ان عـنـدك هـويّـه
ماعلي خلاف لو كان الحلال بلا وسيمَه
دونهـا عُلْـط الفرنجـي والرْمَـك والنـار حيّـه
حمد الدليهي
مالقيـتـك فــي بـحــر جـــده ولاشـاطــي رحـيـمـه
وماانـت فـي مغتـرة الفيصـل وحـفـل العامـريـه
كيف تخطي وانت ماعندك خبر بشداد ريمه
رح وداحـــم والـحـيـاة دروس وجـنـوبـك قــويــه
سعيد بن مقبل الأكلبي
ان بغيت آروح رحْت لها وذبّيـت الخَريِمَـه
ماطلبتـك شـور للرحلـه ولابـي لـك عطيّـه
انت وش قومك تهددني وانا مالي جريمه
وآحسايـف يـوم اعـزّي واحـدٍ جـتْـه المنـيّـه
حمد الدليهي
تـاجــرٍ مـابــان خــيــره فــيــه مــاعــده غـنـيـمـه
وانـت حـذرا لاتشيـل الخـرج وسـط الخـرج حـيـه
احفظ اسرار العرب واهل الذكاء ماهي غشيمه
وانـت رجـالٍ شقـاوي كـل يـوم ٍ فــي قضـيـه
سعيد مقبل الأكلبي
الجبـال تــزول والدنـيـا عـلـى خُـبْـرك مقيـمـه
والعرب تمشـي سـوا وقْلوبهـا ماهـي سويّـه
وانت لو شفْت العقيم اللي قعد يذْبح تميمه
لاتـغـيَـرب حـلــم عـــودٍ فـــي ولـــد والا بـنـيّــه
******************
هذه ِ المحاورة جرت بين الشاعرين حمد الدليهي والشاعر فالح بن عضيب الهاجري عام 2003 م
حمد الدليهي
فالح أبن عضيب ماهو على العهد القديم
قـصـته لـلـي نـشـدني ترى مااقـولها
ساكن البحرين قبل أمـس يذكر بالقصيـم
كان ماهو في عنيزه يـذكر حولها
فالح بن عضيب
ماطلبنـا غـيـر رحمـتـك يــارب الغظـيـم
تغفر أذنوب الخلايق بحسب افعولها
والدليهـي كـل ماهـب نسنـاس النسيـم
شـب فـي خشـم الفتيلـه ودن طبولـهـا
حمد الدليهي
مايدوم الا الولي والمسافر مايقيم
والـلـيالــــي زينها مايشابه هــولهـا
أقلعي ياطايره والـسـماء مافيه غـيم
والـدروب أمّـتـره عـرضهـا مع طولها
فالح بن عضيب
سـرهـا يـالخالدي دام ذا ليل العتـيم
ولك علي لاعقدت حاضرٍ مفتولها
والله اني شفـت سمحه تـرزم برزيـم
مير قود الدرب وحذر يفاخت زولها
حمد الدليهي
والّلهَ مايفطن لها راعي العقل الغشيم
المداخـل مغلقـه ماتـطيح قفولها
راقب سهيل اليماني وقلبك لايهيم
والحضارم مايشبّعـك وجـبة فولـهـا
فالح بن عضيب
خلها تطلع على السـطـح وفهم يافهيم
والمعاني لادرجت واضحٍ مفعولها
ابـك انا قلبي يميّز ولي عقـل سليم
مانشدت امن الحظارم وكثر أخيولها
حمد الدليهي
أن طلع عبدالصمد مـاطلع عبدالرحيم
والأوادم يختلف شكلها وعقولها
انت لك جمهور ويشجعك معهم سديم
مانقـول الا عـلـوم الـحيا شـدولهـا
فالح بن عضيب
جنه الفردوس ماهي مثل بطـن الجحيـم
مـيـر خــل أجمالها تـدرج بـحمولهـا
بارك الله بـالمـشـجع وتـسلم يـانديم
غير ليلى يابيض الوجه جا مهبولها