[حمد الدليهي]

دعواك مرفوضه

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقصة اللي كل ماحاول فشـل ويقـول نـاش=جايزبـك التشبيـه مثلـه لاتقـدم لـي عـذرْ
قال المثل من جاء بلا دعوه مايلقى له ِفـراش=دعواك مرفوضه ماهي دعوه مثل كل البشرْ
مالي بتوصيف القمر والشمس والّوان الفـراش=والليل ونجوم السماء والورد وامـواج البحـرْ
الوقفه اللي بعدها صفقه وقالوا عـاش عـاش=مالـي بهـا واسمـي بلياهـا لعلّـه ماشتهـرْ
سباح غبه مالها قـاع محـدود وحـد طـاش=الدرب يسهل بالنهايه واوله مـوت ٍ حمـرْ
علم وثقافه والذكـى موجـود مافيهـا نقـاش=ومصادمات النـاس منهـا ماتجاهلـت العبـرْ
عندي جراءه والجـراءه ماتـوردك أرتبـاش=خضت التجارب والتجارب ماهي أسبوع وشهرْ
المال مالي والبضاعه موهبه جتنـي بـلاش=ياللي تبي مني خبر هاك أستلـم منـي خبـرْ
ماكل عظمٍ بالوليمه عظم يلقـى بـه أعـراش=بدل سؤالك والقضيه راي مـع وجهـة نظـرْ
أسأل عن بْيوت الشعر والعد والذود العطـاش=الخيل والروض الخضر والطير ونزول المطرْ
تلقى لهن توصيف واضح والأجابه كاش كاش=أن ماقتنعت الراس طقه في طوابيرالحجـرْ[/poem]