لما بتهلى فى جنونى
شعر : محمد عبد القوى حسن
------------------------------
لما نسمة شوق تعدى
فوق جبين الروح تاخدنى
تنتشى بورد ابتسامك
تحتسى عسل اندهاشى
يكمل البدر فى جبينك
قطفتين من لون حنينك
زرعتين على شال عيونك
هفهفوا بسرعه و خدونى
لامنيات السحر جنبك
احلمك مهرة لصيفى
واندهك عطفة مصيرى
بالامانى الذوق لبحرك
استحمى ف طيف حضورك
هدهدينى ياحنينى
بشوق عيونك كحلينى
من عسل صفو اشتهائك
اشطفك بلسم ياعينى
واكتبك قصه ف جداولى
تروى طمى الرحله حاولى
تنزلى لبستان عبيرك
وانا بين ترعة مصيرك
واقف اقرا نشيد حنانك
اوهب الفرحه عشانك
خطوتين من كون جمالك
نسمتين من لون امالك
عشق صافى نهر شافى
لما بتهلى فى جنونى