[نايف عايد]

اقتباس المشاركة الأصلية كتبت بواسطة ابومقرن احب اضيف نقطه للصاحبنا اذا انت متزوج سعودية وعمرك لازال بالعشرينات والثلاثينات وتبي تتزوج وحده ثانيه وربي فاتح عليك طق باب اي وحده سعودية (((((بنت بكر))))) انا اضمن لك انك ماراح تتزوج لسبب ان البنت تبي طقطقه ووناسه وتقول ليش انا ماني مثل البنات ؟؟!!! طيب انت اللحين تبي تتزوج وحده ثانيه ولكن ماتبي خسايرلانك جربت ولا تبي تكبر الموضوع علشان زوجتك الاوله فا اكثر من باب حتنطرد منه ولا راح يوافقون عليك بيخافون على بنتهم انك تتزوج عليها بعد ثالثه ولكن انا متزوج اجنبيه وقلتها مره لزوجتي بالمزح قلت لها بتزوج وحده ثانيه قالت شوف يا ابن الناس تبي تتزوج عادي بس لاتاخذ وحده من بنت بلادي ومثل جنسيتي خذ لك اي جنسيه غير جنسيتي وموافقه والله يوفقك ولا راح اوقف بطريقك لان الحلال شرع لك اربعه حريم انا اتحدى اذا بتلاقي زوجه سعودية تقول لك مثل هالكلام وغير كذا لو بتتزوج بتقول لك انا سعودية تاخذ علي مصرية ولا سورية ولا مغربية او ايا كان بتشوف نفسها فووووق ورافعه خشمها بالسما ولا تجلس تقولي البنات يبون الستر اذا تقول البنات يبون الستر انا ابي اتزوج ثانيه سعودية وزوجتي الاولى مغربية وعندي ولد وعمري 25 وموظف بشركه طيران وراتبي جيد ولله الحمد بتلاقي لي وحده بتتزوج واحد متزوج وعنده عيال؟؟؟ انا دورت قبل ما اسالك هالسوال ولكن كثير الي رفضوا لاسباب اني متزوج وعندي عيال يارجل وحده تقدمت لها وكان طلبها اني انسى عيالي علشان توافق علي ... اسالك بالله هاللشي يرضيك ؟ يارجال هالسعوديات ما انكر ان فيهم الزين والشين ولكن الاغلبيه وهذي مشكلتنا كسعوديين لدينا فوقيه على جميع الشعوب والعالم نرى انفسنا اننا ملائكه واحنا اصلا بشر وكلنا عيال ادم انا بذكر لك كم نقطه واتمنى ترد علي ولكن بعد ماترد على كلامي هذا واعذرني ع الاطاله

أشكرك من الأعماق اخي العزيز ابومقرن على هذا المرور والتواصل..

فجميع ماذكرت أتفق معك به هذه هي مشكلتنا إن السعوديات يطلبن شروط تعجيزية وفوق هذا كله يكون الزوج حاملا دين على عاتقة بسبب الزواج من الداخل هذا والله فيه ظلم وكل هذا عشان الناس يشوفون كيف العرس حب مظاهر..

أنا مايذبحني هنا في المنتدى من الأخوات والأخوه يقولون إن السعوديات يبحثن عن الستر بينما البعض مثل حالتك من لدية زوجه بالسابق لا يستطيع الزواج او تضع الزوجه الثانية عليه بعض الشروط القاسية والمنفره أما طلاق الأولى او غيرها وهذا فيه نوع من الأنانية وحب والنفس..لكن أنا بوجهة نظري وأتمنى أن يتم تطبيق هذا القرار أن الرجل السعودي له الأحقيه الزواج من أجنبيه من أكثر من واحده لأن نظام دولتنا الرشيده أن لايستطيع السعودي أن يتزوج من أجنبية ألا مره واحده وفرصه واحده..

ملاحظة الأجانب في سوريا وهذا بينهم يزوجون أي كان مهما تعددت زوجاته ولا يتم رفضه وإنما يرفع عليه المهر بحكم أن لدية زواجه سابقة عكس البعض هنا في السعودية الرفض السريع وخلق الأعذار

لك كل الأحترام والتقدير.