[سعود العنزي]

بانت مواقف هالبشر ياشريم
شيّن يسر العين وشي ذميـم

.

لقيت انا ستر السما في غيومها
مثل الكرم يستر خمال كريــــم

.

لكن طمان الارض وشهو بيستره
مثل الخنا لاصار بشخص لئيم

.

ياخالقي تسمع من القلب دعوتي
مالي سواك الملتجى يا عليم

.

هبلي من نظاف النوايا كثيرها
ماتكره الجدبا كثير الديم

.

وابعد مقامي وارفعه لايدنسه
منهو على بدع العيوب فهيم

.

اعشق صداقة من بغوني صديقهم
الي يبون العز لي نديـــم

.

نرقى معالي فكرنا عن طماننــــا
نبغى نطول النجم ولا الغيم

.

وقت اللوزام يقترب من يعزني
ماهو بيبعد لابرق لي ضيم

.

مثلك يبن براك والنعم كاسبــه
فزعتلي يوم كلٍ لي خصيم

.

فزعلتي فزعة وفا تبيّن الغلا
يوم القهر داخل فؤادي مقيم

.

لقيتني صدفة على وجهي العسر
وبينت لك وضعي وانت الي فهيم

.

بانت مواري ضيقتك كنها الضيا
ثم انتخيت وقمت لي ياعضيم

.

ماهي غريبة للملا ياولد وايل
حنا لنا في ما مضى من قديم

.

كنك تعيد الماضي الي يشوقني
يوم الملا ماتعرف التعتيم

.

احييت وقت النبل واشرق قديمها
بان الوفى من عقب ماهو رميم

.

ازرت بحور الشعر توصف قريحتي
يالي لك بعيني مقام زعيم