الجـــزء الرابع..
: : :
صحوا الحريم الساعة 8 مع البزارين الصغار وصلحوا قهوة مع تمر وفطور لهم وللرجال طبعاً ماكان احد صاحي من الشباب والبنات لانهم توهم نايمين ..
ام ريما راحت بتقوم ريما بس الشغالات قالوا لهم انهم ماناموا الا الساعة6 الصبح ..
جت الساعة 11 صحت ريما وراحت وكانت لابسة بنطولون جينز في ورد اسفل البنطولون لونة ابيض وبلوزة لونها أبيض هاذي اللي موديلها يجي تربط على الرقبة ولابسة ربطة شعر ازرق و كاب بناتي لونة ابيض
العمة نورة:ريما وش مصحيك ..هماكم نايمين 6؟؟
ريما وهي تبستم:لابس انا شبعت نوم
ام عبد الرحمن:ارجعي نامي وش شبعتي
ام نواف: ياللله يمة كذا تتعبين
ام ريما:لا بنتي واعرفها اذا قامت مارترجع تنام
ريما وهي تبوس راس امها:شفتوا كيف امي فاهمتني!!
الحريم يضحكون الله لايحرمكم من بعض!!
افطرت ريما وبعدين جوا مها وعبدالله الصغار
مها:ليما معليث تلوحين معانا تلعبين انا طفثت من عبودي(ريما معليش تروحين معانا تلعبين انا طفشت من عبودي)
عبودي:اييييية يالله ليما نبي نلعب كولة انتوا البنات فليق وانا فليق لحالي لاني ولد يالله قومي معانا(اية ريما نبي نلعب كورة انتوا البنات فريق وانا فريق)
العمة نورة:اتركوها توها صاحية من النوم ..وبعدين هي كبيرة ماتلعب معاكم
مها:يالبي انا ذعلانه منكم وانتي ياليما لاتكلميني ذعلانه منك(انا زعلانه منكم وانتي ياريما لاتكلميني زعلانة منك)
عبودي:وانا كمان
ريما:راحت وباستهم لا ياقلبي انتوا لاتزعلون انا ماحب اشوفكم زعلانين يالله قوموا نلعب كورة<تحب الاطفال لان ماعندها اخوان صغار
عبودي:يييس ثكرا(شكراً)
مها:انا احبك ياليما مللة(احبك ياريما مررة)
عبودي انا بلوح البث ملابث الكورة(انا بروح البس ملابس الكورة)
ريما:حتى انا بروح البس تعالي مهوية معاي
ريما كان عندها ملابس الهلال (ترينغ سبورت) وكان الرقم وراء ظهرها" 9 "سامي الجابر" وراحت لبست ريما مها شورت وبلوزة حفر ورفعت شعرها وربطته بشريطة زرقــــاء
وراحت تلعب معاهم كان فيه ملعب مسوينه العيال قريب من مخيهم وراحت تلعب معاهم ..العيال كانوا كلهم نايمين الا نواف وفيصل لانهم الكبار وعيب يرتكون الرجال لحالهم..
نواف طلع بيشرب ماء وشاف ريما تلعب مع الاطفال وهو يقول بينة وبين نفسة مين ذي ياربي؟ مو هنوف !! يمكن نوف ..لما التفت ريما وشاف الرقم9 قال:ايية بس هذي ريما بنت عمي مافيه وحدة هلالية وتحب سامي غيرها وجلس يطالعها وهو مبسوط (ماشاء الله عليها شكلها تحب الاطفال ولا كان مالعبت معاهم واللحين الظهر وحر..ياحليلها فنانة بالكورة..جسمها حلو وشعرها )